Ɓaphilípi 3:17 - Ɔngana á Kɛ̌kɛ

¹⁷ Cɔ, ɓaya, ɓeani tambea ani. Bisani iso anu ka ɓakpa nde tambea aɓɔ akengeani na nnde ɓɔɔna mɔtɛ-asu.

Ɓaphilípi 3:17 Iomraidhean Croise

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 10:32

Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.

1 Ɓakɔlítɔ 11:1

Cɔ, ɓeani tambea ani, ɓíndɔ neoɓea nnde á Kiísito.

1 Ɓakɔlítɔ 4:16

Kaɓondɔ, nenóɗengemisigi gea, ɓeani tambea nɛmɔ.

Ɓaphilípi 4:9

Tɔtɔkisani kema nde ɗénóphi na goisaga anu, nnde ɗɔɓɔɔ́ki na nɛɔyɔnga na nnde ɗɔ́ɓɔɔni na neogea. Mpɔ, Mokonga, mɛna-ɓujɛjɛ, aɓande kimoci na ɓenu.

1 Ɓatɛsalɔníka 1:6

Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

2 Ɓatɛsalɔníka 3:7

Nga, ɓo ye oúba sasanu ɓî akeni ɓeá á mphangiɔ nɛsu. Ka nyɔngɔ nde ɗéɓékétú ɓakusi mɔtɛ-anu.

2 Ɓatɛsalɔníka 3:9

Ɗéɓegi ɓó, nna gea ɗéɓékétú na kɔkɔta ka gea ɓósóengɛ. Ɗébekondi ndiu, ɗeketea anu mphangiɔ ka ɓeá á tambea asu.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

1 Pɛ́tɛɛ 5:3

Ɓókobɛɗaneɛgɛmbɛ kɔkɔta gǔ á ɓunde Mokonga ɗánóphi ka amba aɓɔ, ɓáni ndiu mphangiɔ ka ɓɔ.