Ɓaphilípi 3:15 - Ɔngana á Kɛ̌kɛ

¹⁵ Ɓesu íɓundɔ ɓe ye mɔti ka měma, ɓégeɛ tɔ ɓó. Aoɓá ka ɓenu n'ana kanisia nɛngbo ngángá, Mokonga anophangiande base.

Ɓaphilípi 3:15 Iomraidhean Croise

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Lóka 11:13

Ɓenu gǎkɛ, nanga ɓî ɓonde ɓato ájeɗe, ɓo tɔ oúba gabea á ɓ'ananu kema ánjánja. Cɔ, Abanu mmbé á na koba, anɔ́nyɛ́nyi ɗoni k'égabɔ. Aeɓophande phɔtɔ Měma nɛkɛ á kanga ɓojeɗe ɓunde ɓáɔmmɛma.»

Yoáni 6:45

Cɔ, ɓaɔtu-nyɔngɔ ndea Mokonga ɗáɓáɗundu ɓe: ‹Mokonga aámbé aegoisagande ɓakpa ɓɔbu.› Nkpa buakɛ mmbé aɔ́ki nyɔngɔ ndea Abɛ na ɓɔphɛi nɛkɛ, aámbé abikande mɔtɛ-amɔ.

Yoáni 7:17

Aoɓá nkpa n'akondi tɔtɔkisa á mɔphɛ ndea Mokonga, aúbande ámbé goisaga nde néogoisaga atóki ka Mokonga, kaɓɛ k'ophangɔ nɛmɔ sasani.

Ɓalɔ́ma 15:1

Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

Ɓagalatía 5:10

Eme, nenóseɓei suɓi á Mokonga. Neoúba gea, ɓókóɓɛku ye na kanisia nde atingani na kanisia nɛmɔ. Mmbé aonóyombokisa nanga áɓá ani, Mokonga atenande nyɔngɔ nɛkɛ akpɛ.

Ɓaɛphɛ́sɔ 1:17

nɛɔmɛma Mokonga ka gea, Mokonga ndea Mɔkɔta nɛsu Yéso Kiísito, Aba ɓoombia ánophɛ měma á kɔɓɔɔngɛ mmbé anóphangiande na úbisa anu Mokonga.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Ɓatɛsalɔníka 4:9

Cɔ, ka nyɔngɔ ékondani, ké na nyɔngɔ á ɗunduia anu. Nga, Mokonga sasakɛ, ɗánóphangí aphe ndɔ kala.

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

Ɓaɛbulanía 5:14

Eea akpɛ a ndiu tɔ ka ɓakpa nde ɓamɔti nga, ɓáɛmbani ye na katanisa á kema ánjá na kema ájeɗe.

1 Yoáni 2:5

Mmbé a gǎkɛ oamba nyɔngɔ ndea Mokonga, ekondi nɛkɛ atɔtɔkɛani ɗoni á ɗoni ka yɛ. K'índɔ unge ɓeoúba gea, ɓɛɔngani na Mokonga.