Ɓaphilípi 3:13 - Ɔngana á Kɛ̌kɛ

¹³ Ɓaya, kéokanisia gea, ne ye tɔki kema ndɔɔ. Ne tɔ ogea kema moci: Neɓosei kema nde a mbusa ani, néosuia kaɓa á nnde a mosá.

Ɓaphilípi 3:13 Iomraidhean Croise

Lóka 10:42

Cɔ, nyɔngɔ moci tɔ unge ana kantíti. Nga kema nde Malía asɔmbu aánjá kɔnyɛ́nya kema bui. Nkpa nnaɔtɔka n'amuti ú.»

Lóka 9:62

Yéso áongoɗea: «Nkpa nde aokpanga guba n'aɔɛnjia mbusa, kákeni áɓɛ mbɛɗanigi ka koɓoamɛ ndea Mokonga.»

2 Ɓakɔlítɔ 5:16

Kaɓondɔ unge ɓéké ye ɔmbɛɗa nkpa n'etéte á kokpa akɛ. Nanga ɓî ɗéɓɛmbɛɗi Kiísito kala n'etéte á kokpa, kɛ̌kɛnde ɓéké ye ɔmbɛɗa n'etéte ɓíndɔ.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓaphilípi 3:12

Kéǒbeba gea te, ne ye jú ka sungiaga na ɓá kángá kisɛki. Ne ndiu otútuisa gǎ mbangɔ ka káɓa ɛkɔmi nga, Yéso Kiísito ɗágɔɓi ye n'amɔtɔki.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.