Ɓaphilípi 2:9 - Ɔngana á Kɛ̌kɛ

⁹ Kaɓondɔ unge, Mokonga ɗáontáisa goto phɛɛ, áonsua ina nde anyɛ́nyi ina bubui,

Ɓaphilípi 2:9 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Lóka 10:22

 phɔtɔ ogea: «Abɛ amopi kɔkɔta á kema bui. Nna na nkpa nde aomúba Miki mǒko tɔndɔ Abɛ. Nna na nkpa nde aomúba Abɛ, na nna tɔndɔ Miki mǒko, na mmbé Miki mǒko akondi phangia akɛ.»

Yoáni 13:3

Yéso ɗáúbi gea, Mokonga ɗábisi kema bui ka njaga akɛ, ɗátóki mɔtɛ á Mokonga, na ajande phɔtɔ kó.

Yoáni 17:11

Ké ye ka mokonda, nege mɔtɛ-akɔ, ɓɔ ɓáunge ɓá phɔ́tɔ ka mokonda. Abɛ, nto á kanga ɓojeɗe, óamba ɓɔ ka ɓukpɛkpɛ á ina akɔ. Ina ndɔ ɗómopi ka gea, ɓakpa nɛsu ɓáɓɛ kimoci, ɓíndɔ oɓɛ n'eme ɓe kimoci.

Yoáni 17:12

Ɓî ɗétú kimoci na ɓɔ, ɗéǒamba ka ɓukpɛkpɛ á ina akɔ, ina ndɔ ɗómopi. Ɗéambi phɛɛ, ka ɓɔ kaɓúngɛgɛ, tɔndɔ mmbé ɗákeni áɓungɛgɛ, ka gea te, moangɔ á Ɓuku á Mokonga átɔtɔkɛanɛ.

Yoáni 17:5

Cɔ, Abɛ, kɛ̌kɛnde, ómopa ɓoombia nde ɗétú ně bíbí akɔ mosá á conjá á mokonda.

Ekuma á ɓateki 5:31

Yɛ aámbé Mokonga anɗokomisi, áombisa nkɛkɛɔ á njaga akɛ á mǔku gea, áɓɛ moamɛ na Namisi ndea ɓato á ka Isilaɛ́li gea, ɓákětiɛ tambea nɛɓɔ na Mokonga áímɛ ɓojeɗe nɛɓɔ.

Ɓaɛphɛ́sɔ 1:10

Mokonga atɔtɔkisande moangɔ ndɔ, ka mbenɔ nde akeni. Nga, adondanisagande kema bui á ka mokonda na nnde á na koba, áoɓá kusi á moamɛ mo, Kiísito.

Ɓakɔlɔsái 1:18

Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

2 Ɓatɛsalɔníka 1:12

Mpɔ, ɓáobeba ina á Mɔkɔta nɛsu Yéso ka nyɔngɔ anu, ɓâ phɔtɔ onóbeba ka nyɔngɔ akɛ ɓondɔ. Nndɔ bui atɔtɔkɛanande ka ɓonjánja-ékondi ndea Mokonga na Mɔkɔta Yéso Kiísito.

Ɓaɛbulanía 1:4

Cɔ, kɔkɔta ndea Miki ndɔ anyɛ́nyi nnde á ɓamalaéka, ɓíndɔ Mokonga ɗámophi ina á ɓoombia kɔnyɛ́nya ina nde ɓamalaéka ɓá ně.

Ɓaɛbulanía 1:9

Nga, okondi ɓonjánja, ôkangea ɓojeɗe. Ka nyɔngɔ índɔ unge Mokonga, Mokonga ndeakɔ aɔsɔmbu, áokosia gamba á jaí ka mɔ̌. Ɗákoɗokomisi ndiu ka sɔmbɔa akɔ ka nkíndí á ɓadakɔ.»

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

2 Pɛ́tɛɛ 1:17

Nga, Abɛ Mokonga ɗámophi ɓokutú na ɓoombia, mbenɔ nde ɛsɔ á Mokonga mɛna-ɓoombia ɗáyɔngi gea: «Mmbé ande Miki nɛmɔ ékondi. Yɛ, amɔɓɔngɛi phɛɛ.»

3 Yoáni 1:7

Nga, cina á tamba nɛɓɔ, ande bɛɗanaga k'ína á Kiísito, ɗáɓáotamba kángá á mɛma ka kema mɔtɛ á ɓunde ɓáná ɓaɓêki.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»