Ɓaphilípi 2:8 - Ɔngana á Kɛ̌kɛ

⁸ Â phɔtɔ ǒdidisa sasakɛ, áɔmɔ́ka Mokonga, na ka ɓî age okuwa, kukuwa á moyangɔ.

Ɓaphilípi 2:8 Iomraidhean Croise

Matáyɔ 17:2

Kó, keongi á Yéso áǒketia mosá aɓɔ, áɔbɛnya ɓea maní. Ngɔ́mbɛ nɛkɛ áobusumana ɓea owanga.

Matáyɔ 26:39

Áɔsɛkɛɗa mosá ábɔa, áɔgɔtɔma, endóndó akɛ áogbondoa oɗo, áɔmɛma ɓe: «Abɛ, aoɓá n'atɔtɔkɛani, gesa kani ɗanga kiɓe ndee. Kaɓɛmbɛ ka mɔphɛ ani, áɓɛ ndiu ɓíndɔ okondi.»

Matáyɔ 26:42

 goto osɛkɛɗa mosá ábɔa ka mɔngɔ á ko iɓɛ, áɔmɛma ɓe: «Abɛ, aoɓá kiɓe nde na nnaɔtɔka n'anyɛ́nyi, kángá eme noa í, ambe mɔphɛ nɛkɔ átɔtɔkɛanɛ!»

Lóka 9:29

Ɓî ɗáɔmɛma, keongi akɛ áǒketia mosá aɓɔ, ngɔ́mbɛ nɛkɛ áoɓá ábu, áophenuaga biɛ! biɛ!

Yoáni 10:18

Nna na nkpa nde aomoúta enda, eme sasani tɔndɔ aámbé neoɗeketa ú. Nga, nena ɓukpɛkpɛ á phúia í, ne phɔtɔ na ɓukpɛkpɛ á ɓoá í goto. Nndɔ ungɔ Abɛ amososi.»

Yoáni 14:31

akeni gǎkɛ ɓato á ka mokonda ɓáúbɛ gea, nenkondi Abɛ, neogea nnde amososi. Cɔ, ómesiani, ɓégɛ.

Yoáni 15:10

Aoɓá na ɓoambi ɛɔphi nɛmɔ, ɓoikande k'ékondi nɛmɔ, ɓíndɔ ɗéambi ɛɔphi ndea Abɛ na ika k'ékondi nɛkɛ.

Yoáni 4:34

Yéso áǒgea: «Eea nɛmɔ ande tɔtɔkisa á mɔphɛ á mmbé amoteki na gɔɓa á ekuma nɛkɛ.

Ekuma á ɓateki 8:33

Ɗáedidisi, ɓáotena nyɔngɔ nɛkɛ kángá koɗoni. Cɔ, ani mmbé atɔmiagaeka mbino á ɛɓɔkɔti nɛkɛ? Nga, ɗáɓámphúi ka mokonda.»

Ɓalɔ́ma 5:19

Cɔ, ɓî ka nyɔngɔ á ɓojeɗe ndea nkpa moci tɔ unge ɓakpa ɓásii ɓángí ka ɓojeɗe, a phɔtɔ ɓó unge ka nyɔngɔ á ɔ́kapha á nkpa moci tɔ, Mokonga aétangande ɓakpa ɓásii ɓato á koɗoni mosá akɛ.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 12:4

Nga, emani nde ɓojeɗe aonómanisa, ka ɓenu moci káphiphíímbɛ ú, na ka ɓî ageokuwa kau.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.