Ɓaphilípi 2:7 - Ɔngana á Kɛ̌kɛ

⁷ Yɛ sasakɛ â ndiu oɗeketa ɓoombia nde ɗátú ně, áǒbisa k'ététe á nkɔɓɛ, áokengeana na ɓakpa, ɓáɔmɔna ɓea nkpa.

Ɓaphilípi 2:7 Iomraidhean Croise

Matáyɔ 12:18

«Mokonga ayɔngi: mɔnani mbɛɗanigi nɛmɔ, mmbé ɗɛ́nsɔmbu, néonkonda phɛɛ, nena maseye ka yɛ. Nebisande Měma ani ka yɛ, aɛ́tɔ̌miande ɓato á k'ékuna bui koɗomi nɛmɔ.

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Málikɔ 9:12

Yéso áǒsikisia te: «Eya, Elía abikande phɔ́ k'aphe á ɓɔngisiaga goto ánjá kema bui. Cɔ, eke nde Ɓuku á Mokonga aɗigimisi phɔtɔ gea te, eme, Muna-Nkpa, netambagande ásii, ɓáomotondea?

Lóka 22:27

Cɔ, ka ɔlɔ anu ka ɓɔ sina mmbé ana kɔkɔta, mmbé a ka mɛja na mmbé ande mbɛɗanigi? Cɔ, eme ne ka ɔlɔ anu ka bɛɗaneaga anu.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 15:3

Nga, Kiísito ɗákákaɓi kema nde ɗáɔmɓɔngɛa sasakɛ. Ɓíndɔ Ɓuku á Mokonga ayɔngi gǎkɛ: «Yɔnga bui á mbóma nde ɓáɔyɔnga ka phɔakɔ amogui.»

Ɓalɔ́ma 15:8

Nenóngoɗi gea Kiísito ɗěbisi ka bɛɗaneaga Ɓayúda ka úbisa base gea, Mokonga ande nto á ɗoni na átɔtɔkisɛ mɔkɔ nɛkɛ ka ɓatataɓɔ,

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

2 Ɓakɔlítɔ 13:4

Ande ɗoni gea, mbenɔ nde ɗáɓánkɔkɛigi Kiísito ka moyangɔ, nyama akɛ ɗáɔlɔmani. Kɛ̌kɛnde gǎkɛ aoenda ka ɓukpɛkpɛ ndea Mokonga. Ɓesu ɓateki phɔtɔ, ɓî ɓe kimoci na yɛ, ɓɛɔlɔmani. Ɓukpɛkpɛ ndea Mokonga abɛɗanagande gǎkɛ na ɓesu ka ɔlɔ anu.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

Ɓaphilípi 2:6

Yɛ, ɗátú tɔ na kokpa bui nde Mokonga aně kpanga ka nkpangeɔ, ɗákátú gǎkɛ na mɔphɛ á ika ně ka ɓukpɛkpɛ nɛkɛ k'ékengeanisa na Mokonga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Ɓaɛbulanía 4:15

nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.