Ɓaphilípi 2:6 - Ɔngana á Kɛ̌kɛ

⁶ Yɛ, ɗátú tɔ na kokpa bui nde Mokonga aně kpanga ka nkpangeɔ, ɗákátú gǎkɛ na mɔphɛ á ika ně ka ɓukpɛkpɛ nɛkɛ k'ékengeanisa na Mokonga.

Ɓaphilípi 2:6 Iomraidhean Croise

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 10:30

Abɛ n'eme, ɓe tɔ nkpa mo.»

Yoáni 10:33

Ɓayúda ɓáonsikisia: «Ɓékéokomowa n'ɛtɛ ka nyɔngɔ ékuma ánjá. A ndiu ka nyɔngɔ á boma á Mokonga. Ka nyɔngɔ nde, oɓɛ ímbɔ nkpa ogi sasakɔ te, onde Mokonga. Nndɔ, ande bóma á Mokonga.»

Yoáni 10:38

Aoɓá na nɛtɔtɔkisi ndiu ekuma ndea Abɛ, nanga ɓókóomoɓeekea, cɔ, ɓeekeani ye phɔ́ ekuma nɛmɔ. Úbani na ɓɔ́ɔ́kɛ gea, ne suɓi á Abɛ na Abɛ a suɓi ani.»

Yoáni 14:28

Ɓɔɔ́kima ɓî nenóngoɗima gea: ‹Nege, nejande gǎkɛ mɔtɛ-anu.› Atúoɓá na ɓomokondi, ámbé ɓona maseye, ka nyɔngɔ nde, nege mɔtɛ á Abɛ. Nga, Abɛ amɔnyɛ́nyi.

Yoáni 14:9

Yéso áongea ɓe: «Philípɔ, esa ásii nde ɓeiki n'oɓɛ, kómoúbimbɛ mɔnɔ? Mmbé ɗámɔɔni k'eme, ɗámɔni phɔtɔ Abɛ. Cɔ, ogi, nékophangiɛ Abɛ ka ɓo?

Yoáni 17:5

Cɔ, Abɛ, kɛ̌kɛnde, ómopa ɓoombia nde ɗétú ně bíbí akɔ mosá á conjá á mokonda.

Yoáni 20:28

Tɔmá áonsikisia gea: «Hoo! Mɔkɔta nɛmɔ na Mokonga nɛmɔ!»

Yoáni 5:18

Ka nyɔngɔ á ɓoabi ndɔ, ɓakɔta ndea Ɓayúda ɓáonkaɓa phɛɛ gea ɓámowɛ nga, ɗákáɓúni tɔndɔ ɛɔphi á Saɓáto, ɗáyɔngi phɔtɔ gea, Mokonga ande Abakɛ, áǒkengeanisa na yɛ.

Yoáni 5:23

ka gea, ɓakpa ɓɔbu ɓánɗokomisɛ Miki ɓíndɔ ɓáonɗokomisa Abakɛ. Cɔ, mmbé nnaonɗokomisa Miki, nna phɔtɔ onɗokomisa Abakɛ mmbé anteki.

Ɓalɔ́ma 9:5

Ɓá k'ɛ́ɓɔkɔti ndea ɓatatasu. K'ɛ́ɓɔkɔti ndɔ tɔ unge Yéso ɗáɓɔkɔtɛani na nyama á kokpa. Yɛ gǎkɛ, a gǔ á ɓakpa ɓɔbu. Obebɔ áɓɛ ka Mokonga esa bui, áɓɛ ɓó!

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 1:6

Ɓî Mokonga ɗámbikisi Miki nɛkɛ ánge ka mokonda, â ndiu ɔyɔnga gea: «Ɓamalaéka ndea Mokonga ɓɔbu ɓágbukɛ muanku mosá akɛ.»

Ɓaɛbulanía 1:8

Ka phɔa Miki ndeakɛ, Mokonga áɔyɔnga ndiu gea: «Oo! Mokonga! Kankaanga á koɓoamɛ ndeakɔ aɓande ka saga na saga. Ɔbɛɗanagande na motumbɔ á koɓoamɛ ndeakɔ ka koɗoni.

Ɓaɛbulanía 13:8

Yéso Kiísito nnaǒketia, kaɓɛ n'ande kala, kesande na mɛyɔ.

Mphaniɔ 21:6

 goto ɔyɔnga gea: «Así! Eme nende Alpha na Ɔmɛga, nkpangeɔ na sungiaga. Mmbé ana ɛnyɔta, nemophande kema á noa ecici ka ntogɔ á iɓo á enda.