Ɓaphilípi 2:30 - Ɔngana á Kɛ̌kɛ

³⁰ ka nyɔngɔ nde, ɗátú bíbí á kuwa ka nyɔngɔ á bɛɗaneaga a Kiísito. Â gǎkɛ oóloka ka kukuwa ɓî amoengi ka tɔtɔkisa ekuma k'ɔ́ma nɛnu.

Ɓaphilípi 2:30 Iomraidhean Croise

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ɓalɔ́ma 16:4

Ɓɔ, ɗáɓáóloki ka kukuwa ka nyɔngɔ á amisa ani. Eme na kanisa bui nde nna á Ɓayúda, ɓeésegi ɓɔ.

1 Ɓakɔlítɔ 15:53

Nga, nyama nde aphoande, akeni áɓɛ nnde nnaophoa. Nyama nde aokuwa, aɓande na enda á mɛyɔ.

1 Ɓakɔlítɔ 16:10

Aoɓá Timɔtɛ́ɔ n'akiɗi, nseseani ánjá phɛɛ nga, a phɔtɔ ɔmbɛɗaneaga Mɔkɔta ɓea eme.

1 Ɓakɔlítɔ 16:17

Nena maseye ka kiɗia á Sɛtɛphána, Phɔɔtunátɔ na Akaíkɔ. Nga, ɓánɔpɛni ye tɔ.

2 Ɓakɔlítɔ 12:15

Eme neɓeekeande gabea anu imɔna na gaba enda ani bui. Ɓî nenókondi phɛɛ, ɓókómokondɛku tanda ábɔa?

2 Ɓakɔlítɔ 4:12

Cɔ, kukuwa aosóɓondea ɓesu, enda a gǎkɛ ka ɓenu.

Ɓaphilípi 2:17

Nanga ɓámomowa gǎkɛ ɓea nyama á phɛ́a ka nyɔngɔ á ekuma á ɓeekea nɛnu nnde ande ɛkɔmi ka Mokonga, nena maseye k'índɔ, nésikia ɓá na maseye kimoci na ɓenu ɓɔbu.

Ɓaphilípi 2:27

Eya, ɗátú osamba na ɗusukanaga. Mokonga â gǎkɛ onkuia ngomi, nna tɔndɔ yɛ, n'eme phɔtɔ ɓó ka gea, kéɓɛmbɛ n'oiɔ gǔ á oiɔ.

Ɓaphilípi 4:10

Nena maseye phɛɛ, nnde atóki ka Mɔkɔta. Nga, ɓomokanisi goto. Eya, ɗóɓoomokanisia mosá. Ɗóɓotú na mɔphɛ ndɔ, ɓókoɓɛ gǎkɛ na mbenɔ ánjá ka ɔnisa ú.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Philɛmɔ́nɔ 1:13

Netókondi Ɔnɛsímɔ áikɛ bíbí ani ka gea, ámɔbɛɗaneɛgɛ k'ɔ́ma nɛkɔ mbenɔ nde ne suɓi á mekakɔ ka nyɔngɔ á Mbino-Ánjá.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.