Ɓaphilípi 2:3 - Ɔngana á Kɛ̌kɛ

³ Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

Ɓaphilípi 2:3 Iomraidhean Croise

Lóka 18:14

Mpɔ, Yéso áǒngoɗea: «Cɔ, negie, mphendisigi-manjanja ɗáji mɔtɛ-akɛ, na ye tɔ nto á koɗoni k'íso á Mokonga, nna Mophaisáyɔ. Nga, nkpa buakɛ mmbé aǒɗokomisa, aámbé ɓándidisande. Nkpa nde a gǎkɛ ǒdidisa, aámbé ɓánɗokomisande.»

Ɓalɔ́ma 12:10

Kóndanani ɓea ɓato á komunamema ɗoni, éɗokomisani ngǔngu anu.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

1 Ɓakɔlítɔ 3:3

nga, ɓo phɔ́tɔ otambea ɓea ɓakpa á ka mokonda ndee. Sɔsɔɓɛ anu, ɓona nsengo na sani. Cɔ, ɓókó phɔ́tɔ na tambea á ɓato á ka mokonda nde? Ɓókó phɔ́tɔ na tambea á kokpa?

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 5:21

Ɔ́kanani na ɗokomisanani ka nyɔngɔ á ika kusi á kɔkɔta ndea Kiísito.

Ɓaphilípi 2:14

Ɓî a ɓó, tɔtɔkisani kema bui, kángá á ngɔngɔnaga na púa,

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

Ɓakɔlɔsái 3:8

Kɛ̌kɛnde ye gǎkɛ, sagani nndɔ bui kaɓɛ: ɓɛí, oyombɔ, kokae. Mbóma, kaɓɛ ɛphɔ́ti, kajúanɛmbɛ k'aphenɔkɔ anu.

1 Timɔtɛ́ɔ 6:4

mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»