Ɓaphilípi 2:29 - Ɔngana á Kɛ̌kɛ

²⁹ Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

Ɓaphilípi 2:29 Iomraidhean Croise

Lóka 9:5

Cɔ, aoɓá ɓato á ka ntanga-nji na ɓáyé sesea anu, tókani ka ntanga-nji ndɔ, ɓóciciɛ mpusu á oɗo bui nde a k'écinji anu ka úbisa aɓɔ gea te, nyɔngɔ ěguiaeka.»

Yoáni 13:20

Nenóngoɗi ɗoni gea, nkpa nde ansesi mmbé nenteki, amosesi phɔtɔ. Nkpa nde amosesi, ansesi mmbé ɗámoteki.»

Ekuma á ɓateki 2:46

Esa bui ɗáɓáodondanaga k'éndu á Mokonga na měma mo. Báoeaga kimoci k'éndu ɗanga-ɗanga. Ɗáɓáoeaga kimoci na maseye na měma édidisa.

Ekuma á ɓateki 28:10

Ɓakpa ɓáosóɗokomisa phɛɛ. Ka mɛɛa asu, ɓáosótumbanea na kema nde ɗéɓenasiki í ka tamba.

Ekuma á ɓateki 8:8

Ka nyɔngɔ á ɓoamia ndɔ, ɓakpa ɓáoɓá na maseye phɛɛ ka ntanga-nji ndɔɔ.

Ɓalɔ́ma 10:15

Na ɓakpa ɓátɔmiagande ú ɓo na ɓákáeteki ka tɔ̌miaga í? A ɓíndɔ Ɓuku á Mokonga agi: «Ande maseye ka ɔna bika á ɓunde ɓábiki na Mbino-Ánjá.»

Ɓalɔ́ma 16:2

Nseseani yɛ ɓíndɔ ɓakiísito ɓámôogeaga k'ína á Mɔkɔta. Néngani ka kema bui nde ana siki í nga, yɛ ɗééngi ɓakpa ɓásii n'eme phɔtɔ.

1 Ɓakɔlítɔ 16:10

Aoɓá Timɔtɛ́ɔ n'akiɗi, nseseani ánjá phɛɛ nga, a phɔtɔ ɔmbɛɗaneaga Mɔkɔta ɓea eme.

1 Ɓakɔlítɔ 16:18

Nga, ɓáphɔngisi měma ani sumɓî ɗáɓáphɔngisi měma anu. Óbebani ɓakpa ɓea ɓundɔ.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 7:2

Ambe měma anu ákoɗokanɛ ka ɓesu. Nga, ɓékéngǐí nkpa ájeɗe, ɓékémúji nkpa, ɓékémbɛɗanisigi nkpa ecici.

Ɓaphilípi 2:28

Cɔ, ka nyɔngɔ índɔ unge neokamisaga teka akɛ goto mɔtɛ-anu. Nga, ɓo ye goto ɔmɔna yɛ, ɓoɓande na maseye na oiɔ ínɛmɔ áosia.

Ɓakɔlɔsái 4:10

Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

1 Ɓatɛsalɔníka 5:12

Ɓaya, ɓɛnɔmɛmi, ɔ́ɓɔ́kani ɓakpa nde ɓáɔmbɛɗaneaga Mokonga akpɛ ka ɔlɔ anu. Nga, Mokonga ěbisi gǔ anu ka phɛá anu.

1 Timɔtɛ́ɔ 5:17

Ambe ɓéɗokomisɛ ɓagbɛga íɓunde ɓáoamba kanisa ánjá mɔngɔ iɓɛ, a goto phɛɛ ka ɓunde ɓáɔphɛa na goisaga Nyɔngɔ á Mokonga.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

3 Yoáni 1:10

Kaɓondɔ, mbenɔ nde nejúande, nɛnɔtɔmiagande base kema nde aogea, nga yɛ, aɔyɔnga nyɔngɔ ájeɗe n'índe á mbɛa ka phɔa asu. Nna tɔndɔ nndɔ, yɛ nna ǒsesea ɓadasu. A phɔtɔ ǒimisia ɓunde ɓákondi sesea á ɓadasu na ɓeaga aɓɔ suɓi á kanisa.