Ɓaphilípi 2:27 - Ɔngana á Kɛ̌kɛ

²⁷ Eya, ɗátú osamba na ɗusukanaga. Mokonga â gǎkɛ onkuia ngomi, nna tɔndɔ yɛ, n'eme phɔtɔ ɓó ka gea, kéɓɛmbɛ n'oiɔ gǔ á oiɔ.

Ɓaphilípi 2:27 Iomraidhean Croise

Ekuma á ɓateki 9:37

Ka matú ndɔ gǎkɛ, áosamba, áokuwa. Mpɔ, ɓáosokosa mǒnda akɛ, ɓáobisa suɓi éndu á tɔ̌, nnde a k'ego.

1 Ɓakɔlítɔ 10:13

Tombaga bubui nde aonódonda, a tɔ unge aǒdonda ɓakpa ɓɔbu. Mokonga kánóɗeketɛku gea, tombaga nde ɓoɓande kau anyɛ́nyɛ ɓukpɛkpɛ anu nga, Yɛ nna oketia mɔkɔ nɛkɛ. Mbenɔ nde ɓoɓande suɓi á tombaga, anóphande gǎkɛ ɓukpɛkpɛ á phiphia í na aphe á tɔka í.

2 Ɓakɔlítɔ 2:7

Kaɓondɔ, ímani ye tɔ ɓojeɗe nɛkɛ, ɓómɔphɛ ɓukpɛkpɛ. Kaɓɛ na nna ɓó, mmbe ɓɛí nɛkɛ kásiɛku, ámbé nndɔ aduukisande měma akɛ.

Ɓaphilípi 2:26

Cɔ, ɓî ɗáseɓei phɛɛ gǎ ɔna anu goto ɓenu ɓɔbu, ɗá gǎkɛ oiyanaga phɛɛ ka nyɔngɔ nde, ɗɔɓɔɔ́ki gea, ɗátú osamba.

Ɓaphilípi 2:28

Cɔ, ka nyɔngɔ índɔ unge neokamisaga teka akɛ goto mɔtɛ-anu. Nga, ɓo ye goto ɔmɔna yɛ, ɓoɓande na maseye na oiɔ ínɛmɔ áosia.

Ɓaphilípi 2:30

ka nyɔngɔ nde, ɗátú bíbí á kuwa ka nyɔngɔ á bɛɗaneaga a Kiísito. Â gǎkɛ oóloka ka kukuwa ɓî amoengi ka tɔtɔkisa ekuma k'ɔ́ma nɛnu.