Ɓaphilípi 2:21 - Ɔngana á Kɛ̌kɛ

²¹ Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

Ɓaphilípi 2:21 Iomraidhean Croise

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Lóka 14:26

«Nkpa nde aobika mɔtɛ-amɔ akeni ámokondɛ phɛɛ kɔnyɛ́nya abakɛ, amakɛ, nkakɛ, ɓ'anakɛ, ɓana-amakɛ na ɓáwákɛ. Ámokondɛ phɔtɔ phɛɛ kɔnyɛ́nya enda akɛ sasakɛ. Aoɓá na kágǐ ɓó, nkpa ndɔ kátɔkɛku ɓá ngoigi nɛmɔ.

Ekuma á ɓateki 13:13

Mbusa, Pɔ́lɔ na ɓadakɛ ɓáotóka na Páphɔ, ɓáokambea ka koko ángbó, ɓáojaba ka Pɛ́ɛga nnde á ka ntanga-nji á ka Pamphilía. Wa, Yoáni-Malíkɔ áokatana na ɓɔ, áoja na Yɛusalɛ́ma.

Ekuma á ɓateki 15:38

Pɔ́lɔ ɗáɔni gea kákeni bɛɗa akɛ ɓágɛ na yɛ nga, Málikɔ ɗáeɗeketi ka Pamphilía, kángá á tútuisa ekuma kimoci na ɓɔ.

1 Ɓakɔlítɔ 10:24

Ambe nkpa na nkpa kakáɓɛgɛmbɛ kema á ka phɔa akɛ sasakɛ, ákaɓɛgɛ ndiu kema á ka phɔa á ɓakpa ɓuangbo.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 13:5

Nto ékondi nnaogea kema á soni, nnaokáɓa ɓokambia nɛkɛ sasakɛ, nnaɔɓɛa, nnaobisa ɓojeɗe nde ɓángi ně ka měma,

2 Ɓakɔlítɔ 1:5

Nga, ɓî ɓeotambaga ásii ɓíndɔ Yéso ɗátambigi, asótúmisi na ɓukpɛkpɛ á phɔngisa á měma á ɓadasu.

Ɓaphilípi 2:4

Nkpa kakáɓɛ mɔnɔ nyɔngɔ á ka phɔakɛ sasakɛ. Ákaɓɛ ndiu nnde á ɓakpa ɓuangbo.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

2 Timɔtɛ́ɔ 3:2

Nga, ɓakpa ɓáɓánde ɓakukuma, ɓákondi imɔna, ɓato ébeba, ɓato éɗokomisa, ɓato á bóma á Mokonga, ɓunde ɓánáɔ̌ɓɔ́ka ɓaɓɔkɔti aɓɔ, ɓato á kanga obebɔ, ɓunde ɓáɔjɔɔkisa kema ndea Mokonga,

2 Timɔtɛ́ɔ 4:10

nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

2 Timɔtɛ́ɔ 4:16

Mbenɔ nde ɗétúɔ̌yɔngɛa sasani k'ama mosá-mosá ka ntua á tena á nyɔngɔ, nna tanda na nkpa nde ɗámoengi. Ɓakpa ɓɔbu ɗáɓámoɗu ndiu. Cɔ, Mokonga k'ětangeɛmbɛ ɓojeɗe nɛɓɔ!