Ɓaphilípi 2:2 - Ɔngana á Kɛ̌kɛ

² Ɓî a ɓó, ómotúmisani pɛ na maseye ka ɔ́kana anu, ka ɓá anu n'ekondi moci, na měma moci, na kanisia moci.

Ɓaphilípi 2:2 Iomraidhean Croise

Yoáni 3:29

Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ.

Ekuma á ɓateki 1:14

Ɓɔbu, na měma moci, ɗáɓá na moíngi á dondanaga k'ɛ́mɛmi. Ɗáɓáɔmɛma kimoci na Malía amakɛ na Yéso, ɓana-amakɛ na Yéso, na ɓake ɓuangbo.

Ekuma á ɓateki 2:1

K'ésa á jaí á Pɛntɛkɔ́tɛ, ɓaɓêki ndea Yéso ɓɔbu ɓáodondanaga k'ɔ́ma ímoci.

Ekuma á ɓateki 2:46

Esa bui ɗáɓáodondanaga k'éndu á Mokonga na měma mo. Báoeaga kimoci k'éndu ɗanga-ɗanga. Ɗáɓáoeaga kimoci na maseye na měma édidisa.

Ekuma á ɓateki 5:12

Ɓateki ndea Yéso ɗáɓáɔtɔtɔkisa ketangaɔ na mphangiɔ ásii sɔsɔɓɛ á ɓakpa. Ɓaɓêki ɗáɓáɛmbani dondanaga kimoci ka ntua ndea Moamɛ Sɔlɔmɔ́nɔ.

Ɓalɔ́ma 12:16

Ɓáni na ɔ́kana sɔsɔɓɛ anu. Ɓókóɓɛmbɛ na měma á ébeba. Ɓáni ndiu na měma édidisa. Ɓókǒbisɛmbɛ ɓea ɓa mɔɔngɛ.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 2:3

Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 7:7

Nna tɔ kiɗia á Titɔ unge ɗásɔ́kɔ́mbisisi iɓo á ngamɔ, a ndiu phɔtɔ ka nyɔngɔ nde ɓotómmɛsi ngɔngɔ. Ɗásóngoɗi gea, ɓona siki á ɔna ani, áosongoɗea phɔtɔ nyɔngɔ á esúia anu na ɓî ɓootétemisa mamea á nyɔngɔ ani. Kaɓonɗɔ unge, nena maseye ángbó phɛɛ.

Ɓaphilípi 1:4

ne phɔtɔ ɔmɛma mbenɔ bui na maseye ka phɔanu ɓenu ɓɔbu,

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 2:20

Nga, kéna nkpa ɓea yɛ, mmbé ana mɔphɛ ɓea eme, mmbé aɔɔnjia ɗoni nyɔngɔ anu.

Ɓaphilípi 4:2

Cɔ, ɓenu Eɔdía na Sitíkɛ, nenóɗengemisigi: Ɔnganani sɔsɔɓɛ anu suɓi á Mɔkɔta.

Ɓakɔlɔsái 2:5

Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

2 Timɔtɛ́ɔ 1:4

Ne phɔtɔ okanisia ngamɔ akɔ, kaɓondɔ unge nena siki á ɔna akɔ phɛɛ ka gea, nétúmɛ na maseye.

Philɛmɔ́nɔ 1:20

Eya dani, gea ka phɔani ɓó ka nyɔngɔ á Mɔkɔta. Phɔngisa měma ani suɓi ékondi ndea Kiísito.

2 Yoáni 1:4

Ɗéna maseye phɛɛ ka ɔna gea, ɓ'anakɔ ɓuangbo ɓáoenda suɓi á ɗoni, ɓíndɔ Abɛ ɗásósosi.

3 Yoáni 1:4

Kema nde amopi maseye phɛɛ, ande ɔ́ka ani gea, ɓaniki amɔ ɓáotambea ka ɓeana na ɗoni.