Ɓaphilípi 2:16 - Ɔngana á Kɛ̌kɛ

¹⁶ ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 2:16 Iomraidhean Croise

Matáyɔ 10:27

Ambe ɓóyɔngɛ sɔmani, nyɔngɔ nde neonongoɗea ka kaiphiɔ. Nnde neonongoɗea ka kɔsɔ-kɔsɔ, yɔngani ú ka ntanga.

Lóka 12:8

«Nenogie, mmbé amoɗigimisíí nyɔngɔ base mosá á ɓakpa, eme Muna-Nkpa nenɗigimisiaeka phɔtɔ base mosá á ɓamalaéka ndea Mokonga.

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Yoáni 6:68

Simɔ́ni Pɛ́tɛɛ â gǎkɛ onsikisia: «Cɔ, Mɔkɔta, ɓegande mɔtɛ á ani? Nga, ona nyɔngɔ á endisa á mɛyɔ.

Ekuma á ɓateki 13:26

Ɓaya, ɓasuko á Abalaámu na ɓaɓángi-Mokonga. Ɓesu ɓáunge Mokonga ɗásotekisíí nyɔngɔ á ɓoamia á ka měma ndee.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

1 Ɓakɔlítɔ 9:26

Kaɓondɔ unge, eme ké ɓea nkpa nde aoga mbangɔ jǎi-jǎi. Ké phɔtɔ ɓea nto á njoko á ɓɛtanaga, mmbɔ aoseya njaga akɛ ka mpɛna.

2 Ɓakɔlítɔ 1:14

ɓî ɓoɗigimisi nyɔngɔ nɛmɔ ábɔa, ɓoúbande bui suɓi á ɓaoɓa ndee. Kaɓondɔ unge, esa nde Mɔkɔta nɛsu Yéso abikaeka, ɓoɓande na ɓosegi ka ɓesu, ɓíndɔ ɓeɓande ně ka ɓenu.

Ɓagalatía 2:2

Ɗége ko nga, Mokonga aámbé ɗámɔɔphani. Suɓi á madondanɔ ka mpɛphɛ na ɓakɔta á kanisa aunge ɗéněgoisigi Mbino-Ánjá nde nɛɔtɔmiaga sɔsɔɓɛ á ɓunde ɓáná Ɓayúda. Nga, ɗékéokonda gea, ekuma nɛmɔ á kala n'índe á kɛ̌kɛ áɓɛ kángá kantíti.

Ɓagalatía 4:11

Kaɓondɔ, neotambaga ka měma ka nyɔngɔ anu. Neoɓánga gea, ekuma nde bui nɛbɛɗanigi ka phɔanu kakuwɛ mɔnɔ jǎi.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 1:6

Kema nde neɓeeki ɗoni ande gea, Mokonga aámbé akpangi ekuma ánjá ndɔ ka měma anu, atútuisande na gɔɓɛa í esa nde Kiísito Yéso ajaeka.

1 Ɓatɛsalɔníka 2:19

Cɔ, mbenɔ á ja á Mɔkɔta nɛsu Yéso Kiísito, ani mmbé aɓande nseɓeɔ na maseye nɛsu, kaɓɛ na nna tɔndɔ ɓenu? Eya, ɓenu ɓáunge ɓoɓande kekombó nɛsu k'ébeba ně mosá akɛ.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

1 Pɛ́tɛɛ 1:23

Cɔ, ɓɔɓɔkɔtɛani mɔngɔ á koiɓɛ, nna ka mbó á kokpa nnde aokuwa, a ndiu ka mbó nde nnaokuwa, ande gea, nyɔngɔ á Mokonga nnde aoenda mɛyɔ.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.

Mphaniɔ 22:17

Měma á Mokonga na Nke-éyamani ɓáɔyɔnga te: «Bika!» Mmbé aɔ́ki, áyɔngɛ phɔtɔ: «Bika!» Mmbé a n'ɛnyɔta, ábikɛ, mmbé ana siki á iɓo á enda ábɛɗɛ ecici.