Ɓaphilípi 2:15 - Ɔngana á Kɛ̌kɛ

¹⁵ ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

Ɓaphilípi 2:15 Iomraidhean Croise

Matáyɔ 10:16

«Cɔ, ɔ́kani phɔ́! Nenóteki ɓea ɓamɔgɔgɔ ka ɔlɔ á ɓanyama ɓea ɓamabianga. Ɛ́ngɛphani ɓea njɔka, ɓóɓɛ ɓaphɔngɔ ɓea mboe.

Matáyɔ 17:17

Yéso áonsikisia gea: «Ɓenu ɛɓɔkɔti ájeɗe á kanga ɓeekea á Mokonga nde ca! Neikande na ɓenu ka mbenɔ ángaáni? Mbenɔ ángaáni nde nenóphiphiande? Cɔ, mbikani kani na miki ndɔ koni.»

Matáyɔ 5:45

Ɓoogea ɓó, ɓóoɓá ɓana-Abanu mmbɔ á na koba. Nga, yɛ aɔɓɛtisa maní ka ɓakpa ɓánjá na ɓakpa ɓájeɗe na ɔkisa mbua ka ɓato á koɗoni na ɓunde ɓáká ɓato á koɗoni.

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Lóka 1:6

Ɓɔbu ɓaɓɛ ɗáɓátú ɓato á koɗoni k'íso á Mokonga. Ɗáɓáotambea ɓíndɔ ɛɔphi bui ndea Mɔkɔta ayɔngi, na tɔtɔkisa á kema bui nde Mokonga ɗáososea kángá kisɛki.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Yoáni 5:35

Cɔ, Yoáni-Mɓatisi ɗátú ɓea ɔbɛa nde aoola na bɛnya. Ɓô ndiu oɓeekea ika na maseye ka mbenɔ ábɔa ka owanga ndɔ.

Ekuma á ɓateki 2:40

Pɛ́tɛɛ â goto otútuisa ɓoabi nɛngbo ásii, áɔ̌phɛa na gbagisaga aɓɔ ka měma ɓe: «Óamisani n'ɛɓɔkɔti ájeɗe ndee.»

Ekuma á ɓateki 20:30

Sɔsɔɓɛ anu phɔtɔ, ɓademigi ɓákiɗianande ɓáɔyɔnga mbɛa na ɓootea á ɓaɓêki k'aphe nɛɓɔ.

Ɓalɔ́ma 16:19

Ɓakpa ɓɔbu ɓáoúba gea ɓɔɔmɔ́ka Mokonga. Nena maseye ka nyɔngɔ anu. Mɔphɛ ani gǎkɛ ande gea te, ɓóɓɛ ɓamɔɔngɛ ka gea ánjá na yá á ɓojeɗe.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

2 Ɓakɔlítɔ 6:17

Kaɓondɔ unge Mɔkɔta agi: «Tókani ka ɔlɔ aɓɔ, ɓókatanɛ na ɓɔ. Ɓókodungɛ mɔnɔ ka ɓosoɛ, mpɔ, eme nenóseseande.

Ɓaɛphɛ́sɔ 5:27

Ɗákondi gea, kanisa áɔnɛkanɛ mosá akɛ n'ana ɓoombia phɛɛ, kángá: nkiki, kisɛki, na kema ájeɗe-jeɗe nɛngbo. Ɗákondi gea, kanisa áɓɛ á kanga ɓojeɗe na kángá ɔyɛyɔ.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 3:6

Ɗétú na nténdé á tambisaga á kanisa phɛɛ. Ɗékétú na oyeyɔ ka nyɔngɔ á amba ɛɔphi ndea Mósa.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

1 Timɔtɛ́ɔ 3:10

Mosá á bisa á ɓabɛɗanigi ndea ka kanisa, akeni phɔ́ ɔnjia tambea aɓɔ bîbíbí. A ye oɓá na ɓáká na nyɔngɔ á sɛka aɓɔ, mpɔ, ɓáoɓá ɓabɛɗanigi ka kanisa.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

1 Timɔtɛ́ɔ 5:20

Ɓunde ɓáogea ɓojeɗe, óphekeaga mosá á ɓakpa ka gea, ɓunɛngbo ɓáɓɛ phɔtɔ na kɔɓɔɓɔkɔ.

1 Timɔtɛ́ɔ 5:7

Nndɔ unge óngoɗea goto ɓake á kekusa ka gea, nkpa káeyeyɛmbɛ mɔnɔ.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Títɔ 2:10

kángá á úɓa kema nɛɓɔ. Ɓéphangiɛ sasaɓɔ esa bui gea, ɓánde ɓakpa nde ɓakeni na ɓeekea aɓɔ, ka gea ɓáɗokomisɛ goaga nyɔngɔ ndea Mokonga, Namisi nɛsu ka kema bubui.

Títɔ 2:15

Cɔ, ɓondɔ ungɔ akeni ógoisɛgɛ na gbagisaga á měma á ɓakpa na phekeaga aɓɔ na kɔkɔta nɛkɔ bui. Ambe nkpa kakɔɓɛnjiɛgɛmbɛ.

Ɓaɛbulanía 7:26

Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

Mphaniɔ 2:5

Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.