Ɓaphilípi 2:14 - Ɔngana á Kɛ̌kɛ

¹⁴ Ɓî a ɓó, tɔtɔkisani kema bui, kángá á ngɔngɔnaga na púa,

Ɓaphilípi 2:14 Iomraidhean Croise

Matáyɔ 20:11

Ɓî ɓátɔi ye ophendɔ ndɔ, ɓáokpanga ngɔngɔnɛaga á mɛna-ciko na

Málikɔ 14:5

Ɓátú ndiu osombisa ka imɔna mia isaɔ (300), ɓágabɛ ú ka ɓaúki.» Kaɓondɔ unge, ɗáɓámphekeigi nke ndɔ phɛɛ.

Málikɔ 9:14

Ɓî Yéso na ɓagoigi ndɔ ɓasaɔ ɓábiki ye bíbí á ɓadaɓɔ ɓagoigi, ɓáɔɔna usɛsɛ á ɓakpa na ɓáetimbi. Ɓaɗundu-ɛɔphi ɗáɓátú opúa na ɓɔ.

Lóka 5:30

Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?»

Ekuma á ɓateki 15:2

Cɔ, Pɔ́lɔ na Baanába ɓáoyá ɓɔphɛi nɛɓɔ, ɓáopúa na ɓɔ ásii ka yɔnga. Kaɓondɔ, ɓaɓêki á ka Antiɔkía ɓáɔnsɔmbɔa Pɔ́lɔ, Baanába na ɓakpa ɓuangbo sɔsɔɓɛ aɓɔ, ka gea ɓágɛ na Yɛusalɛ́ma, mɔtɛ á ɓateki na ɓagbɛga á kanisa, ka phɔa á nyɔngɔ nde ɗáɓáopúa kau.

Ekuma á ɓateki 15:39

Ɓáopúa phɛɛ ngǔngu aɓɔ na ka ɓî ɗáɓákatanigi. Baanába áɔmbɛɗa Málikɔ, ɓáokambea ka koko ángbó, ɓáoga na Kipúɔ.

Ekuma á ɓateki 15:7

Mbusa á púa phɛɛ, Pɛ́tɛɛ áomá, áǒngoɗea te: «Ɓaya, ɓenu sasanu ɓooúba gea, Mokonga ɗámɔsɔmbu kala ka ɔlɔ anu ka gea te nɛ́tɔ̌miɛgɛ nyɔngɔ nɛkɛ k'ékuna nɛngbo gea, ɓáɔ́kɛ Mbino-Ánjá na ɓeekea í.

Ekuma á ɓateki 6:1

Ka mbenɔ ndɔ mɔɔmba á ɓagoigi ndea Yéso ɗáǒyamea phɛɛ, Ɓayúda ɓundɔ ɓáɔyɔnga Kigiíki ɓáɔ̌ngɔngɔnɛaga phɛɛ ɓadaɓɔ ɓundɔ ɗáɓáɔyɔnga Kiɛbulanía. Nga ɓɔ, ɗáɓáǒɓosea ɓake á k'ekusa ndea ɓunde ɗáɓáɔyɔnga Kigiíki mbenɔ égabɔ.

Ɓalɔ́ma 12:18

Aoɓá n'atɔtɔkɛani, na nndɔ atókani na ɓenu, endani ka ɓujɛjɛ na ɓakpa ɓɔbu.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 10:10

Ɓókóngɔngɔnɛgɛmbɛ ɓíndɔ ɓakpa ɓuangbo sɔsɔɓɛ aɓɔ ɗáɓángɔngɔnigi. Kaɓondɔ, malaéka á otúkɔtúkɔ áǒkɔndɔkisa.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

Ɓagalatía 5:15

A gǎkɛ oɓá ɓoiki anu n'a ɓea ɓanyama á k'osaa ka kokanaga na kaɗuanaga ngǔngu anu, óambani, ámbé ɓomowanagande.

Ɓagalatía 5:26

Ɓékéɓɛmbɛ na ɓemboko, kaɓɛ uɓana, kaɓɛ kuina na nsengo.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

1 Ɓatɛsalɔníka 5:13

Óɗokomisani, ókondagani ka nyɔngɔ ékuma nɛɓɔ k'ína á Mɔkɔta. Ikani ka ɓujɛjɛ sɔsɔɓɛ anu.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Yakɔ́ɓɔ 1:20

Nga, nto á esúia nnaɔtɔtɔkisa koɗoni mosá á Mokonga.

Yakɔ́ɓɔ 3:14

Ɓo ndiu oɓá na nsengo ájeɗe na měma á eteɓa, ɓókǒbebɛmbɛ ka mbɛa gea, ɓo na kɔɓɔɔngɛ.

Yakɔ́ɓɔ 5:9

Ɓaya, ɓɔ́kɔngɔngɔnɛanɛgɛmbɛ ka gea ɓákátenɛmbɛ nyɔngɔ nɛnu nga, nteni-nyɔngɔ a ye tɔ k'íso á mpume.

1 Pɛ́tɛɛ 3:11

Áɗeketɛ ɓojeɗe, ágeɛ ánjá. Ákaɓɛ ɓujɛjɛ, ásuiɛ kaɓa í ɗoni.

1 Pɛ́tɛɛ 4:9

Seseanagani kángá á ngɔngɔnaga.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.