Ɓaphilípi 2:1 - Ɔngana á Kɛ̌kɛ

¹ Cɔ, ɓî ɓo kimoci na Kiísito, nndɔ anóphi ɓukpɛkpɛ ka měma. Ekondi nɛkɛ ka ɓenu, anóphiphisi měma. Ɓo kimoci na Měma á kanga ɓojeɗe. Ɓona ekondi na ngomi sɔsɔɓɛ anu.

Ɓaphilípi 2:1 Iomraidhean Croise

Lóka 2:25

Cɔ, nkpa moci ɗátú ka Yɛusalɛ́ma, ina akɛ Simɛɔ́ni. Ɗátú nto á koɗoni na nto á konda á Mokonga phɛɛ. Ɗáomɓondeaga Namisi á Ɓaisilaɛ́li. Měma á kanga ɓojeɗe ɗá kimoci na yɛ.

Yoáni 14:18

Kénoɗeketɛku ɓaniki á jiga, nebikande goto mɔtɛ-anu.

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Yoáni 17:13

Cɔ, kɛ̌kɛnde, nege mɔtɛ-akɔ. Neyɔngi ɓó na ne phɔ́tɔ ka mokonda ka gea, maseye nɛmɔ átúmɛ suɓi aɓɔ pú!

Ekuma á ɓateki 2:46

Esa bui ɗáɓáodondanaga k'éndu á Mokonga na měma mo. Báoeaga kimoci k'éndu ɗanga-ɗanga. Ɗáɓáoeaga kimoci na maseye na měma édidisa.

Ekuma á ɓateki 4:32

Cɔ, usɛsɛ á ɓaɓêki ɓáɔɔ́kana na měma moci, n'ɛsɔ moci. Nna na ka ɓɔ moci nde ɗáɔyɔnga gea te, nkumba nɛmɔ ú. Nkumba bui ɗá tɔ ka ɓɔ ɓɔbu.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 8:26

A phɔtɔ ɓó unge Měma á kanga ɓojeɗe aosoenga ka kángá ɓá asu na ɓukpɛkpɛ. Cɔ, ɓékéoúba mɛma á Mokonga ɓíndɔ akeni k'ɛ́mɛmi nɛsu. A gǎkɛ tɔ Měma á kanga ɓojeɗe aunge aɔmɛma ka phɔasu na ɗengemisaga nyɔngɔ nde ɓɛ́kɛ́ɔtɔka yɔnga í.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 15:31

Ɓaya, esa bui neoóloka ka kukuwa. Nndɔ ande ɗoni, phɔtɔ ɓíndɔ neǒbeba ka nyɔngɔ anu ka júkana anu na Kiísito Yéso Mɔkɔta nɛsu.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓakɔlɔsái 2:2

Neokonda gbagisaga á měma aɓɔ na ɓukpɛkpɛ, ɓájukanɛ k'ékondani, ɓáúbɛ oengekisa kema ka ɓeana na úbapha ánjá. Mpɔ, ɓáúbande nyɔngɔ á ɓɔsɔmɛa ndea Mokonga, ande gea Kiísito tɔndɔ.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Yoáni 3:24

Mmbé aoamba ɛɔphi nɛkɛ, ɓáɔngani na yɛ. Cɔ, ɓeoúba gea, ɓɛɔngani na yɛ ka nyɔngɔ nde, asóphi egabɔ á Měma á kanga ɓojeɗe.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.

1 Yoáni 4:16

Ɓesu, ɓeúbi na ɓeekea gea, Mokonga asókondi. Yɛ, ande ekondi. Nkpa nde ana ekondi ka enda akɛ, aiki suɓi á Mokonga na Mokonga áoika suɓi akɛ.