Ɓaphilípi 1:7 - Ɔngana á Kɛ̌kɛ

⁷ Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓaphilípi 1:7 Iomraidhean Croise

Ekuma á ɓateki 20:23

Měma á kanga ɓojeɗe amoengekisi ndiu gea, ka ntanga-nji bui mekakɔ na tambisaga aomoɓondea.

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

1 Ɓakɔlítɔ 13:7

Nto ékondi aogbukumia nyɔngɔ ájeɗe bui, ana ɓeekea ka kema bui, aoseɓea kema bui, aokinia kema bui.

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 3:2

Ɓenu ɓáunge ɓonde ɓaoɓa nɛsu á ka měma nnde nkpa buakɛ aúbi n'aotanga ú.

2 Ɓakɔlítɔ 7:3

Kɛ́yɔngi nndɔ ka nyɔngɔ á tenea anu nyɔngɔ akpɛ. Nga, a ɓíndɔ ɗégɔɓi na nenóngoɗi gea, měma asu akoɗokani ka ɓenu phɛɛ, kaɓɛ ka kuwa, kaɓɛ ka enda ɓe tɔ kimoci.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 6:20

Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

Ɓaphilípi 1:12

Ɓaya, nekondi ɓóúbɛ gea, kema nde ɗámogi, ɗágeani gǎkɛ ɓó ka tútuisa á Mbino-Ánjá.

Ɓaphilípi 1:13

Nga, ɓaɓondigi ɓɔbu éndu ndea moamɛ angbóngbó na ɓakpa ɓunɛngbo ɓɔbu, ɓáoúba base gea, ne ka mekakɔ ka nyɔngɔ á bɛɗaneaga á Kiísito.

Ɓaphilípi 1:14

Ɓî a ɓó, ɓadani ɓakiísito ɓásii ɓá ye tɔ na nténdé á ɓeekea á Mɔkɔta, phɔtɔ na éyamea ka tɔ̌miaga á nyɔngɔ á Mokonga kángá á kɔɓɔɓɔkɔ.

Ɓaphilípi 1:5

ka nyɔngɔ nde ɓomoengi ka ɛmbisa á Mbino-Ánjá kpanga á esa á ko ímoci, na ka kɛ̌kɛnde.

Ɓaphilípi 2:22

Cɔ, Ɓo ye úbi gǎkɛ gea, Timɔtɛ́ɔ aɔnisi gea, a ye kakamani. Ɗábɛɗanigi kimoci n'eme ekuma á Mbino-Ánjá ɓea miki n'abakɛ.

Ɓaphilípi 4:14

Nanga áɓá ɓó, ɓomogǐí phɔtɔ ánjá, ka nyɔngɔ nde, ɓomoengi ka tambaga.

Ɓaphilípi 4:15

Ɓenu Ɓaphilípi, ɓooúba ánjá gea, ɓî ɗénetóki ka Makɛdɔnía ka matú nde ɗáɓákpangi tɔ̌miaga á Mbino-Ánjá, kanisa nɛnu tɔ unge ɗámoengi, ɓenu sisanu tɔ ɓáunge ɗóɓotú kimoci n'eme ka ɓokambia na ka kekusa.

Ɓaphilípi 4:3

Eya, dani á ɗoni, nɛɔmɛmi, óenga ɓake ndɔɔ. Nga, ɓátambigi kimoci n'eme k'ékuma á Mbino-Ánjá ndea Kiísito. Ɗáɓátú phɔtɔ na Kɛɛmá, na ɓadani ɓabɛɗanigi ɓuangbo. Mokonga aɗundu gǎkɛ ina aɓɔ suɓi á ɓuku á enda á mɛyɔ.

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Ɓatɛsalɔníka 5:5

Ɓo ndiu ɓato á esa, ɓato á sɔmani. Ɓéké ɓato á kǐpha na ɓato á kaiphiɔ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

Philɛmɔ́nɔ 1:13

Netókondi Ɔnɛsímɔ áikɛ bíbí ani ka gea, ámɔbɛɗaneɛgɛ k'ɔ́ma nɛkɔ mbenɔ nde ne suɓi á mekakɔ ka nyɔngɔ á Mbino-Ánjá.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

1 Pɛ́tɛɛ 4:13

Cɔ, ɓáni ndiu na maseye ka ɓá anu na ka gbútuka á tambaga ndea Kiísito, ka gea, ɓenu phɔtɔ ɓótúmɛ na maseye phɛɛ mbenɔ nde aphangiande ɓoombia nɛkɛ base ka nkpa buakɛ.

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

2 Pɛ́tɛɛ 1:13

Eya, nɛɔni ánjá nénojujúkisɛ ka kanisia anu mbenɔ nde ne phɔ́tɔ koenda.

1 Yoáni 3:14

Ɓeoúba gea, ɓɛnyɛ́nyi ka kukuwa, ɓéongia ka enda á mɛyɔ ka nyɔngɔ nde, ɓěkondi ɓadasu. Mmbé nna n'ekondi a phɔ́tɔ suɓi á kukuwa.