Ɓaphilípi 1:6 - Ɔngana á Kɛ̌kɛ

⁶ Kema nde neɓeeki ɗoni ande gea, Mokonga aámbé akpangi ekuma ánjá ndɔ ka měma anu, atútuisande na gɔɓɛa í esa nde Kiísito Yéso ajaeka.

Ɓaphilípi 1:6 Iomraidhean Croise

Yoáni 6:29

Yéso áǒsikisia te: «Ekuma nde Mokonga akondi ka ɓenu, ande ɓeekea á mmbé anteki.»

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 16:14

Ka ɓake ndɔ moci, ina akɛ Lúdia nto á ka Tuatɛ́a, n'ande phɔtɔ nsombisigi ngɔ́mbɛ ánjɛ nnde ana esombi akpɛ, n'ande mɓángi-Mokonga. Mɔkɔta áokoɗa měma akɛ ka ɔ́ka bîbíbí yɔnga ndea Pɔ́lɔ.

1 Ɓakɔlítɔ 1:8

Yɛ, aámbé anóphande ɓukpɛkpɛ ka měma na ka ɓî asungiagande ka gea, ɓákánóyeyɛmɓɛ mɔnɔ esa nde Mɔkɔta nɛsu Yéso Kiísito ajande.

2 Ɓakɔlítɔ 1:15

Cɔ, ɓî a ɓó, ɗéangi júa ani mɔtɛ-anu goto ka gea te, ɓóɓɛ na ngɔwa á dondana ani na ɓenu mɔngɔ iɓɛ.

2 Ɓakɔlítɔ 2:3

Kaɓondɔ unge, ɗénóɗundui gea, kébikɛku ka gea kěɓɛiɛmbɛ ɓakpa nde ɓátómotɛbisande ka kiɗiani mɔtɛ-anu. Ɗoni, nenoseɓei tɔ ɓenu ɓɔbu nga, neoúba gea, kema nde aomopa maseye a phɔtɔ ɓó ka ɓenu ɓɔbu.

2 Ɓakɔlítɔ 7:16

Eme phɔtɔ, nena maseye. Nenóseɓei ka nyɔngɔ bui.

2 Ɓakɔlítɔ 9:4

Nga, aoɓá na nekiɗi ye na ɓato á ka Makɛdɔnía ndɔ na ɓókóɔ́ɓɔngisigimbɛ, ámbé ɓekuwande na soni ka nyɔngɔ nde ɓenóseɓei. Soni ndɔ aɓande phɔtɔ ka ɓenu.

Ɓagalatía 5:10

Eme, nenóseɓei suɓi á Mokonga. Neoúba gea, ɓókóɓɛku ye na kanisia nde atingani na kanisia nɛmɔ. Mmbé aonóyombokisa nanga áɓá ani, Mokonga atenande nyɔngɔ nɛkɛ akpɛ.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓaphilípi 2:13

Ande gea, Mokonga aámbé aɔbɛɗanaga ka měma anu, n'aonópha mɔphɛ na ɓukpɛkpɛ á tɔtɔkisa á moangɔ nɛkɛ nnde áɔmɓɔngɛa.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

2 Ɓatɛsalɔníka 1:11

Kaɓondɔ unge, ɓɛɔmmɛma Mokonga esa bui gea, ánóphɛ ɓukpɛkpɛ á ɓá ɓakpa nde ɓákeni ka mɔphani nɛkɛ. Ánoengɛ phɔtɔ na ɓukpɛkpɛ nɛkɛ ka gea á ɓonjánja nde ɓokondi. Átɔtɔkisɛ phɔtɔ ekuma nɛnu nnde ɓogi ka nyɔngɔ á ɓeekea akɛ.

2 Ɓatɛsalɔníka 3:4

Ka nyɔngɔ índɔ unge ɓebisi měma asu ka Mɔkɔta ka gea, ɓɔ́tɔtɔkisɛ kema nde ɓenósósi, ɓíndɔ ɓootútuisa, na tɔtɔkisa í kɛ̌kɛnde.

Philɛmɔ́nɔ 1:21

Cɔ, nekoɗunɗui ka nyɔngɔ nde neoúba ɗoni gea, ɔtɔtɔkisande kema kɔnyɛ́nya nnde nekongoɗi.

Ɓaɛbulanía 10:35

Ɓókoɗeketɛmbɛ nseɓeɔ nɛnu nga, ka nyɔngɔ índɔ unge ɓɔtɔande ophendɔ ángbó.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.