Ɓaphilípi 1:25 - Ɔngana á Kɛ̌kɛ

²⁵ Ɓî neengekisi ye nndɔ, néoúba gea, neendande, néoika na ɓenu ɓɔbu. Mpɔ, ɓóoga mosá ka ɓeekea na ɓá na maseye.

Ɓaphilípi 1:25 Iomraidhean Croise

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 20:25

Ɗétú ɔphɛa nyɔngɔ á koɓoamɛ ndea Mokonga ka ɔlɔ anu ɓenu ɓɔbu. Kɛ̌kɛnde gǎkɛ, neoúba te ɓɔ́kɔ́mɔɔnɛku ye.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:18

Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

Ɓalɔ́ma 15:29

Na neoúba gea ɓî negande mɔtɛ-anu, nebikande Kiísito n'amobisíí njaga phɛɛ.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

2 Ɓakɔlítɔ 1:24

Ké phɔtɔ na siki á soseaga anu ka kema nde akeni na ɓeekea í, ka nyɔngɔ nde, ɓeekea nɛnu ka Yéso a ye tɔ na mǐgi akpɛ. Ɓe tɔ ɔbɛɗanaga kimoci ka gea, ɓóɓɛ na maseye.

Ɓaphilípi 1:24

Ka nyɔngɔ anu unge atókeni néendɛ goto ánjá phɛɛ.

Ɓaphilípi 2:24

Neoúba ɗoni gea, aoɓá Mɔkɔta n'akondi, eme sisani nekamisangande gǎ mɔtɛ-anu.

Philɛmɔ́nɔ 1:22

Gǔ índɔ, ɓɔngisiaga phɔtɔ kani ɔma á tɔ̌. Nga, neseɓei te, Mokonga aɔ́kande ɛmɛmi nɛnu, â goto omojisa mɔtɛ-anu.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.