Ɓaphilípi 1:23 - Ɔngana á Kɛ̌kɛ

²³ Ande gea te, mɔphɛ iɓɛ ɗanga-ɗanga aomoɓotea: Nenasiki á gǎ ika kimoci na Kiísito, nndɔ ungɔ nekondi phɛɛ.

Ɓaphilípi 1:23 Iomraidhean Croise

Lóka 12:50

Nena oɓatisɔ nde nengiande gǎkɛ kau. Néotambaga phɛɛ na ka ɓî negande ɔtɔtɔkisa ú!

Lóka 23:43

Mpɔ Yéso áonsikisia te: «Eya, neongoɗi ɗoni gea, kesande oɓande kimoci n'eme suɓi á Paadísɔ.»

Lóka 8:38

Mbenɔ á mɛa akɛ, nkpa ndɔ ɓansombo ɗáɓánjúani, â gǎkɛ onɗengemisaga Yéso gea te, ɓágɛ kimoci na yɛ. Wa, Yéso â ndiu onjisa, áongea:

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 13:1

Cɔ, bíbí á jaí á Pasáka, Yéso ɗáúbi gea, mbenɔ á toka akɛ ka mokonda nde na gǎ mɔtɛ Abakɛ ajú ye tɔ. Ɗékondi ɓakpa nɛkɛ, ɓunde ɓá ka mokonda. Ɗékondi ɓakpa nɛkɛ ɓunde ɗáɓátú ka mokonda, ásikia konda aɓɔ na ka sungiaga.

Yoáni 14:3

Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 7:59

Na ɓá phɔ́tɔ ɔmɓɛta Sɛtɛphánɔ n'ɛtɛ, yɛ áɔmɛma ɓe: «Mɔkɔta Yéso, bɛɗa měma ani!»

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

2 Ɓakɔlítɔ 6:12

Ɓékétónoɗakei měma, ɓenu gǎkɛ ɓáunge ɓotósóɗakei měma anu.

Ɓaphilípi 1:24

Ka nyɔngɔ anu unge atókeni néendɛ goto ánjá phɛɛ.

1 Ɓatɛsalɔníka 2:1

Ɓaya, ɓoúbi gea, bika asu mɔtɛ-anu ɗákátú ecici.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Ɓatɛsalɔníka 4:17

Kɛ̌kɛndɔ, ɓesu íɓundɔ ɓe phɔ́tɔ ka mokonda, ɓetáiande kimoci na ɓɔ k'egugu phǒi! Ɓéodondana na Mɔkɔta k'ego. Mpɔ, ɓéoika na Mɔkɔta mɛyɔ.

2 Timɔtɛ́ɔ 4:6

Cɔ, k'éme, ɓa ye tɔ bíbí á bisa enda ani ka phɛ́a, ande gea te, kukuwa ani a ye bíbí.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»