Ɓaphilípi 1:22 - Ɔngana á Kɛ̌kɛ

²² A gǎkɛ oɓá na ne phɔ́tɔ oenda, na nɛɔtɔka tɔtɔkisa á ekuma ánjá, cɔ, kéoúba kau sina nde nɛɔsɔmbɔa.

Ɓaphilípi 1:22 Iomraidhean Croise

Ekuma á ɓateki 3:17

Cɔ, ɓaya, neoúba te, ɓenu na ɓakɔta nɛnu, ɗóɓogi ɓojeɗe ndɔ ka kobóbó.

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

2 Ɓakɔlítɔ 10:3

Ɓende ɓakpa ɗoni, ɓéké gǎkɛ omana ama kokpa.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaphilípi 1:23

Ande gea te, mɔphɛ iɓɛ ɗanga-ɗanga aomoɓotea: Nenasiki á gǎ ika kimoci na Kiísito, nndɔ ungɔ nekondi phɛɛ.

Ɓaphilípi 1:24

Ka nyɔngɔ anu unge atókeni néendɛ goto ánjá phɛɛ.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.