Ɓaphilípi 1:19 - Ɔngana á Kɛ̌kɛ

¹⁹ Nga, neoúba ɗoni gea, ka nyɔngɔ ɛ́mɛmi nɛnu na ɓî Měma á Yéso Kiísito aomoenga aunge sungiaga á tambaga ani, ande ɓoamia nɛmɔ.

Ɓaphilípi 1:19 Iomraidhean Croise

Ekuma á ɓateki 16:7

Ɓájú ye bíbí á Misía, ɓáokengisia ngia ka Bitinía, Měma á Yéso â gǎkɛ ǒimisia.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

Ɓalɔ́ma 8:9

Cɔ, ɓenu, ɓókó ye gǎkɛ oɓea tambea á kokpa, ɓo ndiu oɓea tambea á Měma á Mokonga, ka nyɔngɔ nde aiki suɓi anu. Aoɓá nkpa na nna na Měma á Kiísito, nkpa ndɔ nna nkpa ndea Kiísito.

1 Ɓakɔlítɔ 4:17

Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

2 Ɓakɔlítɔ 1:11

Nga, ɓeoúba gea te, ɓosóengande k'ɛ́mɛmi ka Mokonga, yɛ aámbé aɓeekeande ɛmɛmi ndɔɔ. Mpɔ ɓakpa ɓásii ɓáombeba Mokonga ka nyɔngɔ asu, mbusa áosópha ɓonjánja-ékondi nɛkɛ.

Ɓagalatía 3:5

Ɓî Mokonga anophi Měma akɛ, â phɔtɔ ɔtɔtɔkisa ketangaɔ sɔsɔɓɛ anu. Cɔ, aogea ɓondɔ ka nyɔngɔ nde ɓooamba ɛɔphi kaɓɛ ka nyɔngɔ nde ɓɔɔ́ka Mbino-Ánjá ndea Mokonga na ɓeekea í?

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓaphilípi 1:18

Cɔ, nndɔ nna na nyɔngɔ. Nanga ɓáɓá na maibe-maibe, nanga ɓáɓá na mɔphɛ ánjá, ɓá tɔ ɔtɔmiaga nyɔngɔ á Kiísito. Kaɓondɔ, ne tɔ na maseye, nésikia ɓá na maseye.

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.