Ɓaphilípi 1:18 - Ɔngana á Kɛ̌kɛ

¹⁸ Cɔ, nndɔ nna na nyɔngɔ. Nanga ɓáɓá na maibe-maibe, nanga ɓáɓá na mɔphɛ ánjá, ɓá tɔ ɔtɔmiaga nyɔngɔ á Kiísito. Kaɓondɔ, ne tɔ na maseye, nésikia ɓá na maseye.

Ɓaphilípi 1:18 Iomraidhean Croise

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Málikɔ 12:40

Ɓɔ, ɓá phɔtɔ kouta kema bui ndea ɓake á kekusa na mɛma á Mokonga ka mbenɔ éndǎ mosá á ɓakpa ka gea ɓakpa ɓɛ́ɓɔnɛ. Mokonga atenaeka gǎkɛ nyɔngɔ nɛɓɔ akpɛ phɛɛ.»

Lóka 9:45

Ɗáɓákáengekisi gǎkɛ nyɔngɔ ndɔ, nga kantíti í ɗákátú ka ɓɔ base. Ɓáoɓánga úsia á Yéso ka nyɔngɔ ndɔɔ.

Lóka 9:50

Yéso áonsikisia: «Ɓókonimisiɛmbɛ. Nga, aoɓá nkpa na nna mɓiɓia nɛnu, ámbé a ndiu nkpa nɛnu.»

Ɓalɔ́ma 3:9

Cɔ, ɓɛ́yɔngɛni ɓoni? Ɓesu Ɓayúda ɓɛɛ́nyɛ́nyi ɓakpa ɓunɛngbo? Tanda phɔ́! Ɓe ye phangi base gea Ɓayúda na ɓunde ɓáná Ɓayúda, ɓesu ɓɔbu ɓe tɔ kusi á kɔkɔta á ɓojeɗe.

Ɓalɔ́ma 6:15

Cɔ, aɓo? Ɓégeɛ ɓojeɗe ka nyɔngɔ nde ɓéké kusi á ɛɔphi, ɓe ndiu kusi á ɓonjánja-ékondi ndea Mokonga? Tanda phɔ́.

1 Ɓakɔlítɔ 10:19

Cɔ, nɛ́yɔngɛ ye ɓo? Nyama nde ɓáphúi k'ɔ́phɛ́ɔ á ɓamokonga á mbɛa, ande kema sina, kaɓɛ ɓamokonga á mbɛa ana kantíti sina?

1 Ɓakɔlítɔ 14:15

Cɔ, négeɛ ɓo? Nɛmɛmande Mokonga ka měma ani, phɔtɔ na ka úbapha ani. Neembande ka měma ani, nê phɔtɔ oemba ka úbapha ani.

1 Ɓakɔlítɔ 15:11

Cɔ, kaɓɛ eme, kaɓɛ ɓateki ɓuangbo, nyɔngɔ nde ɓɛɔtɔmiaga aungɔ. Na nndɔ unge ɗóɓóɓeeki.

Ɓaphilípi 1:19

Nga, neoúba ɗoni gea, ka nyɔngɔ ɛ́mɛmi nɛnu na ɓî Měma á Yéso Kiísito aomoenga aunge sungiaga á tambaga ani, ande ɓoamia nɛmɔ.