Ɓaphilípi 1:15 - Ɔngana á Kɛ̌kɛ

¹⁵ Cɔ, ɓakpa ɓunɛngbo ɓáɔtɔmiaga nyɔngɔ á Kiísito na měma á nsengo na měma éteɓa. Ɓakpa ɓunɛngbo ɓâ gǎkɛ ɔtɔmiaga na mɔphɛ ánjá.

Ɓaphilípi 1:15 Iomraidhean Croise

Matáyɔ 23:5

Goto, ɓáogea kema nɛɓɔ bui ka gea te ɓakpa ɓáɛɓɔnɛ. Ɓáɔ̌ɓɔɛa phaeka á bɔngɔ ágbae kaɓɛ k'éndóndó, kaɓɛ ka njaga nnde ɓáɗundu kau nyɔngɔ moci-moci á Mokonga. Nkanjo nɛɓɔ an'ɛɔkɔ á koaga.

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ekuma á ɓateki 11:20

Ka ɓaɓêki ndɔ, ɗáɓátú ɓato á ka Kipúɔ na ɓato á ka Kuɛ́nɛ. Ɗáɓáoga ndiu na Antiɔkía ka tɔ̌mia á Mbino-Ánjá ndea Mɔkɔta Yéso ka ɓunde ɓáná Ɓayúda.

Ekuma á ɓateki 5:42

Esa bui, k'éndu ndea Mokonga na k'éndu nɛɓɔ, ɗáɓákáɗeketi goisaga na tɔ̌mia á Mbino-Ánjá ndea Yéso Kiísito.

Ekuma á ɓateki 8:35

Mpɔ, Philípɔ áokpanga tɔ̌mia akɛ Mbino-Ánjá ndea Yéso, n'akpangi n'ɔma nde nkpa ndɔ ɗáotanga.

Ekuma á ɓateki 8:5

Philípɔ â phɔtɔ oga ka ntanga-nji moci á Samalía, áɔ̌phɛa ɓato á ka ntanga-nji ndɔ nyɔngɔ á Kiísito.

Ekuma á ɓateki 9:20

Kɛ̌kɛndɔ, áɔphɛa k'éndu á madondanɔ ndea Ɓayúda ka nyɔngɔ á Mokonga gea, Yéso ande Muna-Mokonga.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 1:23

Cɔ, ɓesu gǎkɛ, ɓɛɔphɛa nyɔngɔ á Kiísito ímbé ɗáɓánkɔkɛigi ka moyangɔ. Ka Ɓayúda, ande ephiphi ájeɗe. Ka ɓunde ɓáná Ɓayúda ande kobóbó.

1 Ɓakɔlítɔ 13:3

Nanga négaba nkumba nɛmɔ bui ka ɓato á ɓuyɛnɛ, nanga nétambisaga nyama ani ka nsa, na neǒbeba, na ké gǎkɛ n'ekondi, kɛ́tɔɛku ka kema ka phɔani.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

2 Ɓakɔlítɔ 11:13

Nga, ɓakpa ndɔ, ɓánde ɓateki á mbɛa, ɓánde phɔtɔ ɓademigi k'ékuma nɛɓɔ, ɓáǒdemisaga gea, ɓánde ɓateki ndea Kiísito.

2 Ɓakɔlítɔ 12:20

Ka nyɔngɔ nde neoɓánga gea, mbenɔ nde nekiɗiande mɔtɛ-anu, kénódondeku ɓíndɔ nekondi na ɓenu ɓókómodondɛku phɔtɔ ɓíndɔ ɓokondi. Neoɓánga donda anu suɓi á: Sani, nsengo, esúia, měma éteɓa, mbóma, maca, étondoa, eongo kaɓɛmbɛ.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓaphilípi 2:3

Ɓókogeɛ mɔnɔ kema na měma éteɓa, ɓókokaɓɛ mɔnɔ ɓoombia á jǎi-jǎi. Ɓáni ndiu na měma édidisa, nkpa na nkpa ámɔnɛ dakɛ gea, ana kantíti kɔnyɛ́nya yɛ.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.