Ɓagalatía 1:1 - Ɔngana á Kɛ̌kɛ

¹ Ka ɓaɓêki á ka Galatía sambani! Eme Pɔ́lɔ aámbé neɗundu ɓaoɓa ndee. Nende nteki, nna ka mɔphɛ á ɓakpa na nna nkpa aámbé amoɓǒtei. Yéso Kiísito na Abakɛ Mokonga mmbé ɗánjujúkisi ka ɔlɔ á ɓasí aámbé amoteki.

Ɓagalatía 1:1 Iomraidhean Croise

Yoáni 10:30

Abɛ n'eme, ɓe tɔ nkpa mo.»

Yoáni 20:21

Yéso â goto ǒngoɗea: «Ɓáni na ɓujɛjɛ! Eme nenoteki phɔtɔ ɓíndɔ Abɛ ɗámoteki.»

Yoáni 5:19

Yéso â goto osikia yɔnga, áǒngoɗea ɓe: «Nenóngoɗi ɗoni: Miki, nnaɔtɔka n'agi ka kema ka yɛ sasakɛ, a tɔ ogea nnde áɔmɔna Abakɛ n'aogea nga, kema bui nde Abɛ aogea, aunge Miki a phɔtɔ ogea ú.

Ekuma á ɓateki 22:10

Mpɔ néoúsia gea te: ‹Mɔkɔta, négeɛ ɓo?› Mɔkɔta áomosikisia te: ‹Má, ógɛ na Damasíki. Kó unge ɓákongoɗeagande kema bui nde akeni ógeɛ ú.›

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

Ekuma á ɓateki 9:6

Cɔ, má, ógɛ ka ntanga-nji á Damasíki. Kó, ɓáongoɗeande kema nde akeni ógeɛ ú.»

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 10:9

Aoɓá n'ɔyɔngi k'aphenɔkɔ akɔ sisakɔ mosá á ɓakpa gea, Yéso ande Mɔkɔta na ɓeekea ka měma akɔ gea, Mokonga ɗánjujúkisi ka kukuwa sɔsɔɓɛ á ɓasí, oamande ka měma.

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

1 Ɓakɔlítɔ 1:1

Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

Ɓagalatía 1:15

Mokonga, mmbé ɗámɔsɔmbu gǎkɛ mosá á ɓɔkɔtɛana ani, aámbé ɗámɔɔphani ka nyɔngɔ á ɓonjánja-ékondi nɛkɛ.

Ɓagalatía 1:17

ɗéké tái nci á Yɛusalɛ́ma ka gǎ ɔna ɓunde ɗáɓátú ɓateki mosá ani. Kɛ̌kɛndɔ, nê ndiu oga na Alabía, mpɔ, néosikianaga na Damasíki.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

2 Timɔtɛ́ɔ 1:1

Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 2:8

Nɗunduia malaéka á ka kanisa ndea ka Smúna ɓe: Mmbé ande Nkpangeɔ na Sungiaga, mmbé ɗáku, áojujuka ka kukuwa, ayɔngi ɓe: