Ɓaɛbulanía 9:24 - Ɔngana á Kɛ̌kɛ

²⁴ Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.

Ɓaɛbulanía 9:24 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Málikɔ 14:58

Ɓáogea: «Nkpa nde, ayɔngima ɓe: Nɛngbɔande endu á Mokonga, nnde ɓakpa ɗáɓáphɛ̌ki. Néomesa k'ésa isaɔ. Mɔphɛkɔ kau káɓɛku á njaga á ɓakpa.»

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Lóka 24:51

Ɓî ɗáǒbisia njaga, mpɔ áǒɗangamisa na ɓɔ, ka táia akɛ na koba.

Yoáni 16:28

Cɔ, netótóki mɔtɛ á Abɛ, néojua ka mokonda. Kɛ̌kɛnde, netóki gǎkɛ ka mokonda, neji mɔtɛ á Abɛ.»

Yoáni 6:62

Cɔ, aɓande ɓo aoɓá na ɓɔɔmɔɔna eme, Muna-Nkpa na neotáia ɔma nde ɗétú mosá?

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ɓalɔ́ma 8:33

Ani mmbé aɛ́tɔngande ɓakpa nde Mokonga aɛ́sɔmbu? Tanda nkpa mo. Nga, Mokonga aámbé aǒtanga ɓakpa ndɔ ɓato á koɗoni.

2 Ɓakɔlítɔ 5:1

Cɔ, ɓeoúba gea, nyama asu a ɓea ɛma nde ɓeoenda suɓi í ka mokonda nnde aɔngbɔɔkana, Mokonga asóbisíí endu na koba, nnde aoiphia mɛyɔ. Nna ɓakpa ɓáunge ɓáphɛkande.

Ɓakɔlɔsái 3:2

Bisani měma anu ka kema nde ana koba, kaɓɛmbɛ k'índe á ka mokonda.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Ɓaɛbulanía 6:20

Wandɔ unge Yéso ɗángí mosá asu ka phɔa asu nga, a ye ngbɛga á ɓatoɓeigi-phɛ́a á kanga sungiaga ɓea nkókó índɔ á Mɛlkisɛdɛ́ki.

Ɓaɛbulanía 8:2

Aɔbɛɗanaga ekuma nɛkɛ suɓi á ɔma á kanga ɓojeɗe. Ɔma ndɔ ande Ɛma á ɗoni nnde Mɔkɔta aámbé acumi, nna ɓakpa.

Ɓaɛbulanía 8:5

Ɓundɔ ɓaobɛɗanaga na ɓáoɓea mphangiɔ na kaengekɔ á koɗoni ndea na koba. A tɔ ɓíndɔ Mokonga ɗánsosi Mósa gea ábɛɗanɛgɛ ka mbenɔ á phɛ̌ka á Ɛma. Ɗángoɗi ɓe: «Ɔ́bɛɗanagambɛ tɔ ɓíndɔ ɗékophi kaengekɔ í gǔ á mamba.»

Ɓaɛbulanía 9:1

Cɔ, ɔngana á mosá ɗátú phɔtɔ na moangɔ ɗanga-ɗanga á beba á Mokonga na ɔma á kanga ɓojeɗe nnde a ka mokonda.

Ɓaɛbulanía 9:23

Cɔ, kaɓɛ moangɔ ndɔ unge aotókisa ɓojeɗe á kema nde atɔndɔ iii índɔ á na koba, akeni gǎkɛ koɗoni á kema á na koba áɓɛ na phɛ́a nde aánjá phɛɛ kɔnyɛ́nya ndɔɔ.

Ɓaɛbulanía 9:9

Nndɔ ande ɓea mɛní ka matú ndee. Ande gea te: Ɛkɔmi ka Mokonga, ɔphɛ́ɔ á ɓanyama nnaɔtɔka n'atɔtɔkisi ɓonjánja suɓi á měma á nkpa nde aoɓea moangɔ ndɔɔ.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

Mphaniɔ 8:3

Malaéka ndea Mokonga ɓaangbo áobika, áomama gǔ ɛ́tɛ-ɔ́phɛ́ɔ, n'abɛɗi mbeka na ɓáconji na láté. Ɓáomopha nkoki ásii, ásiɗisɛ ú gǔ ɛ́tɛ-ɔ́phɛ́ɔ, ka gea maki í átaiɛ mosá á Mokonga. Nndɔ ande aphe moci á mɛma á Mokonga ka phɔa á ɓato á kanga ɓojeɗe ɓɔbu.