Ɓaɛbulanía 9:23 - Ɔngana á Kɛ̌kɛ

²³ Cɔ, kaɓɛ moangɔ ndɔ unge aotókisa ɓojeɗe á kema nde atɔndɔ iii índɔ á na koba, akeni gǎkɛ koɗoni á kema á na koba áɓɛ na phɛ́a nde aánjá phɛɛ kɔnyɛ́nya ndɔɔ.

Ɓaɛbulanía 9:23 Iomraidhean Croise

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Lóka 24:46

na ngoɗea aɓɔ te: «A tɔ ɓíndɔ ɗáɓáɗundu gea: Masíya atambagande na jujúka ka kukuwa k'ésa á ko isaɔ.

Yoáni 14:3

Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei.

Ekuma á ɓateki 23:15

Cɔ, kɛ̌kɛnde, ɓenu kimoci na ɓagbɛga á ka ntua ángbó á ɓɔphɛi, ɔ́kanani ka mɛma á mɔkɔta á emani gea, ámbikɛ na Pɔ́lɔ, ka nyɔngɔ nde ɓoogea ɓóengekisɛ nyɔngɔ nɛkɛ. Ka ɓesu gǎkɛ ɓe ye ɓɔngisigi mowa akɛ mosá á kiɗia akɛ wani.»

Ɓakɔlɔsái 2:17

Nyɔngɔ ndɔ bui, a tɔ iii á kema nde abikaeka. Nnde ande ɗoni á ɗoni ande Kiísito.

Ɓaɛbulanía 10:1

Ɛɔphi ndea Mósa a tɔ na iimbiɔ á kema ánjánja nde aobika. Nna gǎkɛ ophangia koɗoni á kema kau. Nanga ɓakpa ɓáphúia ɔphɛ́ɔ ndɔ ka saga bui, nna tanda ɔtɔka n'aími ɓojeɗe á ɓakpa nde ɓáobika mosá á Mokonga.

Ɓaɛbulanía 10:4

Nnde ande ka nyɔngɔ nde magia á mǔku á ngɔmbɛ na mǔku á mɛmɛ nnaɔtɔka n'atókisi ɓojeɗe.

Ɓaɛbulanía 8:5

Ɓundɔ ɓaobɛɗanaga na ɓáoɓea mphangiɔ na kaengekɔ á koɗoni ndea na koba. A tɔ ɓíndɔ Mokonga ɗánsosi Mósa gea ábɛɗanɛgɛ ka mbenɔ á phɛ̌ka á Ɛma. Ɗángoɗi ɓe: «Ɔ́bɛɗanagambɛ tɔ ɓíndɔ ɗékophi kaengekɔ í gǔ á mamba.»

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.