Ɓaɛbulanía 9:15 - Ɔngana á Kɛ̌kɛ

¹⁵ Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Ɓaɛbulanía 9:15 Iomraidhean Croise

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 22:3

Áǒteka ɓabɛɗanigi nɛkɛ k'aphe á ɔphana á ɓakpa ɓunde ɗáɓáeɓɔphani ka jaí ndɔ. Ɓakpa ndɔ ɓákakondɛ gǎkɛ bika.

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 25:36

Ɓî ɗétú ndúmbú, ɗóɓomɔɔ́lisi ngɔ́mbɛ. Ɓî ɗétú na ngobo, ɗóɓobiki omoenga. Ɓî ɗétú ka mekakɔ, ɗóɓobiki kɔmɔɛnjia.›

Málikɔ 10:17

Mbenɔ nde Yéso ɗámɛi tamba nɛkɛ, nkpa moci áombikia mbangɔ, áongbukia muanku, áomúsia: «Ngoisigi anjánjá, négeɛ ɓo, néɓɛ na enda á mɛyɔ?»

Lóka 18:18

Mɔkɔta á Ɓayúda moci ɗámúsi Yéso áogea: «Ngoisigi anjánjá, negeande ɓo ka gea, néɓɛ na enda á mɛyɔ?»

Lóka 22:20

Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani nnde aɗǔkani ka phɔanu.

Yoáni 10:28

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Ekuma á ɓateki 20:32

Kɛ̌kɛnde, nenóbisi ka njaga á Mokonga na mbino á ɓonjánja-ékondi nɛkɛ. Mokonga aámbé ana ɓukpɛkpɛ á gbagisaga anu ka měma na opha ɓotukɔ nde abisi ka ɓakpa nɛkɛ.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 5:6

Cɔ, ɓî ɗéɓékétú phɔ́ na ka ɓukpɛkpɛ, Kiísito ɗáku ka phɔa ɓato á ɓojeɗe ka mbenɔ ánjá nde Mokonga ɗáangi.

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

Ɓalɔ́ma 8:30

Ɓakpa nde Mokonga ɗɛ́sɔmbu kala, ɗɛ́ɓɔphani phɔtɔ. Ɓunde ɗɛ́ɓɔphani, ɗétangi phɔtɔ ɓato á koɗoni. Ɓundɔ ɗétangi ɓato á koɗoni, ɗéɓophi phɔtɔ ɓoombia nɛkɛ.

Ɓalɔ́ma 9:24

Ɓesu ɓáunge ɗásɔɔphani, nna tɔ sɔsɔɓɛ á Ɓayúda, phɔtɔ sɔsɔɓɛ á ɓunde ɓáná Ɓayúda.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

Ɓagalatía 3:20

Aoɓá nyɔngɔ n'a tɔ ka phɔa nkpa moci, nna na siki á mɔɔnganisi. Cɔ, Mokonga a tɔ sisakɛ.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

2 Ɓatɛsalɔníka 2:14

Mokonga ɗánɔɔphani ka ɓoamia ndɔ k'aphe á Mbino-Ánjá nde ɗéɓenɔ́phɛí, ka gea, ɓóɓɛ na ɓoombia ndea Mɔkɔta nɛsu Yéso Kiísito.

1 Timɔtɛ́ɔ 2:5

Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Títɔ 3:7

Mokonga agi ɓó ka ɓonjánja-ékondi nɛkɛ, ka gea, ɓéɓɛ ɓato á koɗoni mosá akɛ, ka tɔá enda á mɛyɔ nde ɓeseɓei.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 6:13

Cɔ, mbenɔ nde Mokonga ɗábisi mɔkɔ ka Abalaámu, ɗáɔphí tɔ ka ina akɛ sasakɛ nga, Mokonga ɗákátú na nkpa angbóngbó kɔnyɛ́nya yɛ ka ɔphá k'ína akɛ.

Ɓaɛbulanía 6:15

Ɓî Abalaámu ɗábisi měma akɛ ka mɔkɔ ndɔ kángá ɛla, mɔkɔ nde Mokonga ɗáɔku ka phɔakɛ áɔtɔtɔkɛana ka yɛ.

Ɓaɛbulanía 7:22

Kaɓondɔ unge Yéso a ye tɔ nkpa nde akakamisi ɔngana ánjá phɛɛ kɔnyɛ́nya nnde á mosá.

Ɓaɛbulanía 8:13

Cɔ, ɓî Mokonga ayɔngi ka nyɔngɔ á ɔngana á kɛ̌kɛ, ande gea te nnde á mosá a ye tɔ á kala. Cɔ, kema a ye oɓá á kala, áɔgbɛga. Ande gea te, abíbí á kukuwa.

Ɓaɛbulanía 9:12

Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

Ɓaɛbulanía 9:16

Nga, ɔma nde ɓaoɓa á gabisana á nkumba a ɓei, aánjá ɓoengekisɛ gea nkpa nde aɗundu ɓaoɓa ndɔ aye n'aku.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.