Ɓaɛbulanía 9:14 - Ɔngana á Kɛ̌kɛ

¹⁴ Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:14 Iomraidhean Croise

Matáyɔ 12:28

Eya, eme, ne gǎkɛ ǒphumba ɓansombo ka kɔkɔta á Měma á Mokonga. Nndɔ ande base gea, koɓoamɛ ndea Mokonga a ye tɔ sɔsɔɓɛ anu.

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 7:11

Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Lóka 1:74

gea, asóphúiande ka njaga á ɓaɓíɓia nɛsu ka gea, ɓɛ́mbɛɗaneɛgɛ kángá á kɔɓɔɓɔkɔ,

Lóka 12:24

Kanisiani phɔ́ ɓakungulu. Ɓánáokona, ɓáná gǎkɛ oɗungua. Ɓáná n'egbóngbó na mǒkomba. Mokonga aámbé aǒisa. Ɓenu gǎkɛ ɓɔ̌nyɛ́nyi ɓambǔ!

Lóka 12:28

Ɓenu ɓato á ɓeekea ábɔa nde ca! Mokonga aɔɔ́lisa ɔphɔ bui á ka ciko nnde áɔtɛa kesande na mama ɓáomaka ka nsa. Cɔ, Mokonga kánɔɔ́lisande phɔtɔ ánjá kɔnyɛ́nya ú!

Lóka 4:18

«Měma á Mɔkɔta amɔgɔni, amɔsɔmbu ka tɔ̌miaga á ɓato á ɓuyɛnɛ Mbino-Ánjá. Â phɔtɔ omoteka ka úbisa á ɓato á mekakɔ esa á juana aɓɔ na koɗa iso á ɓakeíme-íme, na phúia á ɓakusi ka kɔkɔɓɛ,

Yoáni 3:34

Mmbé Mokonga anteki a tɔ ɔyɔnga nyɔngɔ á Mokonga. Nga, yɛ antúmisi na Měma akɛ.

Ekuma á ɓateki 1:2

na ka ɓî age osungiaga k'ésa ndɔ Mokonga ɗantáisi na koba. Mosá á táia akɛ, ɗáɛsɔmbu ɓateki nɛkɛ, áɔ̌ɔkusaga ka ɓukpɛkpɛ á Měma á kanga ɓojeɗe.

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 14:15

«Ɓadani, ɓogi ɓondɔ ka ɓo? Ɓe phɔtɔ ɓakpa ɓea ɓenu, ɓekengeani tɔ na ɓenu ka kema bui. Ɓeonóphɛa Mbino-Ánjá ka gea, ɓóɗeketɛ ɗokomisa á kema á jǎi-jǎi, ɓókětiɛ ka Mokonga mmbɔ mɛyɔ, mmbɔ aconji koba, mokonda, oɓenge na kema bubui nde a kau.

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ɓalɔ́ma 1:20

Nga, kpanga á ɓî Mokonga ɗáconji mokonda, ɓukpɛkpɛ nɛkɛ á mɛyɔ na ebigɔ nɛkɛ á ɓá Mokonga nnde nna kɔɔnɛkana, áɔɔnɛkana k'ékuma nde ɗábɛɗanigi. Ka ianaga á nyɔngɔ ndɔ, ɓakpa ɓáká n'aphe énganea.

Ɓalɔ́ma 1:4

ɓáombisa na ɓukpɛkpɛ ka ɓá Muna-Mokonga, mbenɔ nde Měma á kanga ɓojeɗe ɗánjujúkisi Yéso Kiísito Mɔkɔta nɛsu ka kukuwa.

Ɓalɔ́ma 11:12

Ka nyɔngɔ á ɓojeɗe ndea Ɓaisilaɛ́li aunge aɛ́tɔisi ɓato á ka mokonda ka měma. Tugbanaga aɓɔ aɛ́tɔisi ɓato á k'ékuna nengbo. Cɔ, ɓonjánja-ékondi aɓande ángbó phɛɛ ka amá á Ɓayúda ɓɔbu ka měma!

Ɓalɔ́ma 11:24

Ɓenu íɓunde ɓókó Ɓayúda ɗoni, ɓo ɓea ntabi á me á Mujɛitúni á k'osaa nnde Mokonga ɗátenigi ú, â gǎkɛ onoɗakatisa ka me ánjá nnde ɗáɓákátúokonaga ɓó. Ɓayúda ɓá ɓea Mujɛitúni á ɗoni nnde ɗáɓákoni, nna akpɛ ka Mokonga tɛisa goto ntabi nde ɗáɓátenigi ka me nɛɓɔ.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓagalatía 2:19

Cɔ, ka nyɔngɔ ɛ́ɔphi unge neku. Ɛɔphi ndɔ unge amokusisi ka gea te, enda ani áɓɛ ka Mokonga. Ɗéku kimoci na Kiísito ka moyangɔ.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

1 Ɓatɛsalɔníka 1:9

Nga, ɓáɔsɔ́tɔmiaga sasaɓɔ ɓî ɗóɓosósesi ka kiɗia asu mɔtɛ-anu, na ɓî ɗóɓoɗu nkumba ésomba ájeɗe, ɓóǒpháia ka Mokonga, ɓóoɓá ɓabɛɗanigi nɛkɛ. Nga, Mokonga aámbé aoenda mɛyɔ n'ande Mɔkɔta á ɗoni á na koba.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 3:15

Cɔ, ne gǎkɛ koiphia kángá kiɗia, ɓaoɓa nde aoengande ka tambea akɔ sɔsɔɓɛ ékombo ndea Mokonga. Ekombo ndɔ ande kanisa ndea Mokonga mmbé aoenda, ande ngeɔ na cina á ɗoni.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 10:12

Kiísito ɗábisi ndiu nyama akɛ sasakɛ k'ɔ́phɛ́ɔ mɔngɔ ímoci tɔndɔ ka íma á ɓojeɗe. Mbusa á í, áoika ka njaga á mǔku á Mokonga ka saga na saga.

Ɓaɛbulanía 10:2

Atúoɓá n'aɔtɔka, ámbé ɓakpa nde ɓáoɓea moangɔ ndɔ, Mokonga aoíma ɓojeɗe nɛɓɔ mɔngɔ ímoci tɔndɔ. Ámbé ɓáká ye kɔɔyɔka ɓato á ɓojeɗe na ɓákátú ye ophúia k'ététe ɔ́phɛ́ɔ.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 11:21

Ka nyɔngɔ á ɓeekea, Yakɔ́ɓɔ mbenɔ nde ɗátú bíbí á kukuwa, áobisa njaga gǔ á ɓana Yɔsɛ́phu gbɔgbɔ aɓɔ, áombeba Mokonga n'ětumíí ka sese á motumbɔ nɛkɛ.

Ɓaɛbulanía 13:12

Ka nyɔngɔ índɔ unge Yéso ɗáku phɔtɔ ka ngba á ntanga-nji, ka gea te, ásokoseɛ měma á ɓakpa na magia akɛ sasakɛ.

Ɓaɛbulanía 3:12

Ɓaya, ɛngɛphani! Ka ɓenu moci kaɓɛmbɛ na měma ájeɗe á kanga ɓeekea, nnde aonkatanisa na Mokonga ímbe aoenda.

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

Ɓaɛbulanía 7:16

Ekuma á ntoɓeigi-phɛ́a ínɛkɛ cina í nnaoɓea nyɔngɔ á ekuna. A ndiu ka ɓukpɛkpɛ á enda á mɛyɔ.

Ɓaɛbulanía 7:27

Yéso atingani na ɓagbɛga á ɓatoɓeigi-phɛ́a ɓunde á mosá. Yɛ nna na siki á toɓoa phɛ́a esa bui ka nyɔngɔ á ɓojeɗe nɛkɛ, mbusa í, ka nyɔngɔ á ɓojeɗe á ɓakpa ɓɔbu. Mbenɔ nde ɗábisi nyama akɛ k'ɔ́phɛ́ɔ mɔngɔ ímoci, nndɔ asungíígi tɔ ɓó.

Ɓaɛbulanía 9:12

Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

Ɓaɛbulanía 9:26

nga, atúoɓá n'aɓó, ámbé ɗátambigi mongɔ ásii kpanga á conjá á mokonda. Cɔ, kɛ̌kɛnde ka mbenɔ á sungiaga, Kiísito aɔnɛkani tɔ mɔngɔ ímoci ka gea áímɛ ɓojeɗe ka ɓî yɛ sasakɛ aku ɓea nyama á phɛ́a.

Ɓaɛbulanía 9:7

Cɔ, ngbɛga á ɓatoɓeigi-phɛ́a tɔ aámbé a ndiu ongia suɓi á ɔma á ko iɓɛ mɔngɔ ímoci ka saga moci. Yɛ, nnaobika mosá á Mokonga kángá magia á nyama k'ɔ́phɛ́ɔ á ka phɔakɛ sasakɛ, phɔtɔ ka phɔa á ɓojeɗe nde ɓakpa ɓági kángá úba í.

Ɓaɛbulanía 9:9

Nndɔ ande ɓea mɛní ka matú ndee. Ande gea te: Ɛkɔmi ka Mokonga, ɔphɛ́ɔ á ɓanyama nnaɔtɔka n'atɔtɔkisi ɓonjánja suɓi á měma á nkpa nde aoɓea moangɔ ndɔɔ.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

1 Pɛ́tɛɛ 2:22

Yɛ, ɗákági tanda ɓojeɗe, na ɗákáyɔngi tanda mbɛa.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.