Ɓaɛbulanía 9:12 - Ɔngana á Kɛ̌kɛ

¹² Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

Ɓaɛbulanía 9:12 Iomraidhean Croise

Málikɔ 3:29

Nkpa nde a gǎkɛ ombóma Měma á kanga ɓojeɗe, Mokonga káímɛeka tanda ɓojeɗe ndɔ. Ɓojeɗe nɛkɛ aikande mɛyɔ.»

Lóka 1:68

«Ɓosegi ka Mɔkɔta, Mokonga á Ɓaisilaɛ́li, nga, akiɗi ka enga ɓakpa nɛkɛ na tókisa aɓɔ ka kɔkɔɓɛ.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓakɔlɔsái 1:14

K'aphe ndea Kiísito aunge Mokonga aími ɓojeɗe nɛsu.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 10:19

Cɔ, ɓaya! Ka nyɔngɔ á magia á Yéso unge ɓéké na ká ngǎka ka ngia k'ɔ́ma á kanga ɓojeɗe phɛɛ.

Ɓaɛbulanía 10:4

Nnde ande ka nyɔngɔ nde magia á mǔku á ngɔmbɛ na mǔku á mɛmɛ nnaɔtɔka n'atókisi ɓojeɗe.

Ɓaɛbulanía 13:12

Ka nyɔngɔ índɔ unge Yéso ɗáku phɔtɔ ka ngba á ntanga-nji, ka gea te, ásokoseɛ měma á ɓakpa na magia akɛ sasakɛ.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

Ɓaɛbulanía 7:27

Yéso atingani na ɓagbɛga á ɓatoɓeigi-phɛ́a ɓunde á mosá. Yɛ nna na siki á toɓoa phɛ́a esa bui ka nyɔngɔ á ɓojeɗe nɛkɛ, mbusa í, ka nyɔngɔ á ɓojeɗe á ɓakpa ɓɔbu. Mbenɔ nde ɗábisi nyama akɛ k'ɔ́phɛ́ɔ mɔngɔ ímoci, nndɔ asungíígi tɔ ɓó.

Ɓaɛbulanía 9:13

Ɓíndɔ asii asosi, ɓáokpanjiaga magia á mɛmɛ na magia á ngɔmbɛ na ebǔ á mponjo á ngɔmbɛ nkei mmbé ɓántoɓu gǔ á ɓakpa nde ɓági ɓojeɗe. Mpɔ ɓojeɗe á ka nyama aɓɔ áotóka.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Ɓaɛbulanía 9:19

Eya! Mósa ɗátɔ̌mi mosá á ɓakpa ɓɔbu moangɔ ɗanga-ɗanga ɓíndɔ ɛɔphi asosi, mpɔ áɔbɛɗa magia á mponjo á ngɔmbɛ na magia á mǔku á mɛmɛ, â phɔtɔ ɔbɛɗa iɓo. Áɔbɛɗa gbútu-gbútu á me nde ɓáɔɔphana isɔpɔ, áoɓóaga na ngoi ánjɛ, áocaɗisaga ú ka ɓuku nde ɗáɗundu ɛɔphi suɓi í. Â phɔtɔ ǒcaɗisiaga ɓakpa.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

Ɓaɛbulanía 9:7

Cɔ, ngbɛga á ɓatoɓeigi-phɛ́a tɔ aámbé a ndiu ongia suɓi á ɔma á ko iɓɛ mɔngɔ ímoci ka saga moci. Yɛ, nnaobika mosá á Mokonga kángá magia á nyama k'ɔ́phɛ́ɔ á ka phɔakɛ sasakɛ, phɔtɔ ka phɔa á ɓojeɗe nde ɓakpa ɓági kángá úba í.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.