Ɓaɛbulanía 9:11 - Ɔngana á Kɛ̌kɛ

¹¹ Cɔ, Kiísito aámbé akiɗi ka gea áɓɛ ngbɛga á ɓatoɓeigi-phɛ́a á kema ánjá nde aobika. Angí suɓi á ɛma ángbó nde ande á ɓonjánja phɛɛ kɔnyɛ́nya nndɔ á mosá. Ɛma ndɔ, nna ɓakpa ɓáunge ɓáɓɔngisigi na njaga aɓɔ. Ande gea te, nna kema á ka mokonda nnde ɓáconji.

Ɓaɛbulanía 9:11 Iomraidhean Croise

Matáyɔ 11:3

ka usia akɛ ɓe: «Oɓɛ aámbé otókeni óbikɛ? Ɓémɓondeɛgɛ goto nkpa ɓaangbo?»

Matáyɔ 2:6

Oɓɛ Bɛtɛlɛɛ́mu, á ka Yudɛ́a, oɓɛ kótanda abɔbɔa, ka ɔlɔ á nji Yudɛ́a, ka nyɔngɔ nde mɔtɛ-akɔ unge moamɛ mmbé aɛsɔndɔande ɓakpa nɛmɔ Ɓaisilaɛ́li, atókande.»

Málikɔ 14:58

Ɓáogea: «Nkpa nde, ayɔngima ɓe: Nɛngbɔande endu á Mokonga, nnde ɓakpa ɗáɓáphɛ̌ki. Néomesa k'ésa isaɔ. Mɔphɛkɔ kau káɓɛku á njaga á ɓakpa.»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 4:25

Nke ndɔ áongea te: «Neoúba gea Masíya, mmbé ɓáɔmɔphana Kiísito, aobika. Mbenɔ nde yɛ abikande, asóúbisande kema bui.»

Ekuma á ɓateki 7:48

Ande gea te, Mokonga mmbé ana kɔkɔta bui, nnaoika ɗoni k'éndu ɓakpa na ɓáphɛ̌ki, ɓíndɔ mɔtu-nyɔngɔ ndea Mokonga ɗáyɔngi:

2 Ɓakɔlítɔ 4:18

Nga, ɓetúmíí iso asu ka kema nde ɓánáɔɔna, nna gǎkɛ ka kema nde ɓáɔɔna. Ande gea te, kema nde ɓáɔɔna nnaoiphia, nnde gǎkɛ ɓánáɔɔna aunge aoiphia mɛyɔ.

2 Ɓakɔlítɔ 5:1

Cɔ, ɓeoúba gea, nyama asu a ɓea ɛma nde ɓeoenda suɓi í ka mokonda nnde aɔngbɔɔkana, Mokonga asóbisíí endu na koba, nnde aoiphia mɛyɔ. Nna ɓakpa ɓáunge ɓáphɛkande.

Ɓakɔlɔsái 2:11

Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.

Ɓaɛbulanía 10:1

Ɛɔphi ndea Mósa a tɔ na iimbiɔ á kema ánjánja nde aobika. Nna gǎkɛ ophangia koɗoni á kema kau. Nanga ɓakpa ɓáphúia ɔphɛ́ɔ ndɔ ka saga bui, nna tanda ɔtɔka n'aími ɓojeɗe á ɓakpa nde ɓáobika mosá á Mokonga.

Ɓaɛbulanía 12:27

Ɓî agi: «Neɗengisande goto», ande gea te, Mokonga aɗengisande kema nde ɗáconji, kema ndɔ káɓɛku ye. Kema nde nnaɔtɔka n'aɗengi aunge ajigande.

Ɓaɛbulanía 13:14

nga, ka mokonda nde ɓéké na nji nde aoiphia, ɓe ndiu okáɓa nji ndɔ aobika.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 4:15

nga, ngbɛga á ɓatoɓeigi-phɛ́a mmbé ɓena yɛ, yɛ aɔtɔka n'asókui ngomi ka tambaga na ɓɔɛlu nɛsu á ka měma. Cɔ, yɛ ɗángí ka tombaga ka kema bui ɓea ɓesu, kángá yɛ gea ndiu ɓojeɗe.

Ɓaɛbulanía 7:1

Mɛlkisɛdɛ́ki nde ɗátú moamɛ á ka Salɛ́mu. Ɗátú phɔtɔ ntoɓeigi-phɛ́a ndea Mokonga, Mɛna-ɓukpɛkpɛ bui. Yɛ aámbé ɗáge ondondanisa Abalaámu mbenɔ nde Abalaámu ɗáoja k'aphe émani n'ěkíndi ɓaamɛ. Adondani ye na yɛ, Mɛlkisɛdɛ́ki áobisa njaga gǔ á Abalaámu.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.