Ɓaɛbulanía 8:5 - Ɔngana á Kɛ̌kɛ

⁵ Ɓundɔ ɓaobɛɗanaga na ɓáoɓea mphangiɔ na kaengekɔ á koɗoni ndea na koba. A tɔ ɓíndɔ Mokonga ɗánsosi Mósa gea ábɛɗanɛgɛ ka mbenɔ á phɛ̌ka á Ɛma. Ɗángoɗi ɓe: «Ɔ́bɛɗanagambɛ tɔ ɓíndɔ ɗékophi kaengekɔ í gǔ á mamba.»

Ɓaɛbulanía 8:5 Iomraidhean Croise

Matáyɔ 2:12

Mpɔ, Mokonga áǒɗesa na njeki gea te, ɓákajɛmbɛ k'aphe ndea Ɛlɔ́dɛ. Ɓâ gǎkɛ oja k'aphe nɛngbo ka gǎ ka nji nɛɓɔ.

Ekuma á ɓateki 7:44

Cɔ, ka nkanda ndɔ, ɓatatasu ɗáɓátú na ɛma nde ɗáɓábisi gáo nde ɓáɗundu nyɔngɔ á konsamba nde Mokonga ɗáɔngani na ɓɔ. Ɛma ndɔ, ɗáɓáɓɔngisigi ɓíndɔ Mokonga ɗámɔkusigi Mósa na phangia akɛ kaengekɔ í.

Ɓakɔlɔsái 2:17

Nyɔngɔ ndɔ bui, a tɔ iii á kema nde abikaeka. Nnde ande ɗoni á ɗoni ande Kiísito.

Ɓaɛbulanía 10:1

Ɛɔphi ndea Mósa a tɔ na iimbiɔ á kema ánjánja nde aobika. Nna gǎkɛ ophangia koɗoni á kema kau. Nanga ɓakpa ɓáphúia ɔphɛ́ɔ ndɔ ka saga bui, nna tanda ɔtɔka n'aími ɓojeɗe á ɓakpa nde ɓáobika mosá á Mokonga.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

Ɓaɛbulanía 13:10

Cɔ, ɓena ɛtɛ-ɔ́phɛ́ɔ nɛsu na ɓatoɓeigi-phɛ́a nde ɓá gǎkɛ ɔbɛɗanaga suɓi á ɛma, ɓákáesosi ea ka phɛ́a ndɔ.

Ɓaɛbulanía 9:9

Nndɔ ande ɓea mɛní ka matú ndee. Ande gea te: Ɛkɔmi ka Mokonga, ɔphɛ́ɔ á ɓanyama nnaɔtɔka n'atɔtɔkisi ɓonjánja suɓi á měma á nkpa nde aoɓea moangɔ ndɔɔ.

Mphaniɔ 15:5

Mbusa índɔ, nɛ́ɔɔna na koba, endu á Mokonga n'aúkukani na ɛma á madondanɔ ndea Mokonga.