Ɓaɛbulanía 7:8 - Ɔngana á Kɛ̌kɛ

⁸ Cɔ, ɓana Láwi ɓunde ɓáɔbɛɗa phaeka moci á nkama ɓánde ɓakpa ɓunde ɓáokuwa. Mɛlkisɛdɛ́ki gǎkɛ aámbé abɛɗi phaeka ndɔɔ. Ɓuku á Mokonga ayɔngi gea, yɛ ande mɛyɔ.

Ɓaɛbulanía 7:8 Iomraidhean Croise

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ɓaɛbulanía 3:16

Cɔ, ɓaani ɓunde ɗáɓáɔ́ki ɛsɔ á Mokonga mbusa í ɓáɔmɓɛisa? A tɔ ɓunde Mósa ɗětókisi ɓɔbu ka nji á Mísii.

Ɓaɛbulanía 5:6

A phɔtɔ ɓíndɔ ɓáɗundu k'ɔ́ma nɛngbo gea: «Oɓɛ onde ntoɓeigi-phɛ́a ka saga na saga ɓea nkókó índɔ á Mɛlkisɛdɛ́ki.»

Ɓaɛbulanía 6:20

Wandɔ unge Yéso ɗángí mosá asu ka phɔa asu nga, a ye ngbɛga á ɓatoɓeigi-phɛ́a á kanga sungiaga ɓea nkókó índɔ á Mɛlkisɛdɛ́ki.

Ɓaɛbulanía 7:23

Gǔ índɔ, ɓatoɓeigi-phɛ́a ɓunɛngbo ɗáɓáɓiki ka nyɔngɔ nde ɗáɓáokuwaga. Ɗáɓákátɔki ye tútuisa á ekuma.

Ɓaɛbulanía 7:7

Eya! A tɔ kángá ngǎka. Ngbɛga tɔndɔ aámbé aobisa njaga gǔ á miki.

Ɓaɛbulanía 7:9

Ɓî Abalaámu aphúi ye phaeka moci á nkama, ande gea te, Láwi a ye phúi phɔtɔ, nanga ɓî ɓ'anakɛ ɓáɔtɔa phaeka moci á nkama ndɔ ka njaga á ɓana-amaɓɔ.

Ɓaɛbulanía 9:27

Ɓî nkpa buakɛ a tɔ okuwa mongɔ ímoci, mbusa á kukuwa Mokonga áotena nyɔngɔ nɛkɛ,

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.