Ɓaɛbulanía 7:26 - Ɔngana á Kɛ̌kɛ

²⁶ Eya! Yéso ande ngbɛga á ɓatoɓeigi-phɛ́a mmbé akeni ɗoni ka ɓesu. Ande mɛna-ɓonjánja phɛɛ, kángá kisɛki, kángá ɓɔjɔɔkiɔ. Ɗátingani phɛɛ na ɓato á ɓojeɗe, Mokonga ɗámophi ɓokutú phɛɛ kɔnyɛ́nya kema bui á na koba.

Ɓaɛbulanía 7:26 Iomraidhean Croise

Matáyɔ 27:18

Nga, Pilátɔ ɗáúbi gea, ɗáɓántɔgi Yéso ka nyɔngɔ á nsengo.

Málikɔ 16:19

Ɓî Mɔkɔta Yéso agɔɓi ye ngoɗea aɓɔ ɓó, Mokonga áontáisa na koba. Yɛ, áoika ka njaga á mǔku á Mokonga.

Lóka 1:35

Malaéka áonsikisia te: «Měma á kanga ɓojeɗe adidande, áoika gǔ akɔ. Mokonga, Mmbé ana kɔkɔta bui, aogbukumiande n'iimbiɔ á ɓukpɛkpɛ nɛkɛ. Kaɓondɔ unge mmbé ɔmɓɔkɔtande aɓande nto á kanga ɓojeɗe, ɓámɔphanande phɔtɔ Muna-Mokonga.

Lóka 23:22

Mpɔ Pilátɔ áǒúsia mɔngɔ á ko isaɔ gea: «Ɓojeɗe sina nde atógi? Nga, kɛɔni ka nyɔngɔ ájeɗe nde akeni ákuiɛ ú. Kaɓondɔ ne ye omɓindisa, nenɗeketande.»

Lóka 23:41

Ka phɔasu áɓɛ ɓó nga ɓɛtɔí nnde aengemeani na tambɛa asu. Yɛ gǎkɛ, kági tanda ka ɓojeɗe.»

Lóka 23:47

Mbenɔ nde mɔkɔta á ɓato émani ɗáɔni nnde ɗányɛ́nyi, áombeba Mokonga na yɔnga te: «Eya! Nkpa nde ɗátú nto á koɗoni.»

Lóka 24:26

Ande gea te kátókeni gǎkɛ Masíya átambɛgɛ ɓó na ángiɛ ka ɓoombia nɛkɛ?»

Lóka 24:46

na ngoɗea aɓɔ te: «A tɔ ɓíndɔ ɗáɓáɗundu gea: Masíya atambagande na jujúka ka kukuwa k'ésa á ko isaɔ.

Yoáni 14:30

Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani,

Yoáni 8:29

Mmbé atómoteki a kimoci n'eme. Kámoɗeketi sisani, ka nyɔngɔ nde, esa bui, neogea kema nde amɓɔngɛi.»

Ekuma á ɓateki 3:14

ɗóɓon'yé Yéso, nto á kanga ɓojeɗe na nto á koɗoni ndɔ, ɓóokonda gea, ɓánkoɗɛ kanu nto á kaiso.

Ekuma á ɓateki 4:27

Ande ɗoni, moamɛ Ɛlɔ́dɛ, mɔkɔta Pɔntíɔ Pilátɔ, ɓato á ka Isilaɛ́li na ɓato á k'ékuna nɛngbo ɗáɓádondanigi ka ntanga-nji nde ka maca á dunga á Yéso, nto á kanga ɓojeɗe na mbɛɗanigi nɛkɔ mmbé ɗɔ́nsɔmbu áɓɛ Kiísito.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 2:10

Mokonga ɗáconji kema bui ka phɔakɛ na k'aphe nɛkɛ. Ɗági ɓó ka ɓǒtea á ɓaniki ɓásii ka ɓoombia nɛkɛ. Ka tɔtɔkisa nndɔ, ɗákeni ámɓɔngisɛgɛ Yéso ánjá phɛɛ k'aphe á tambaga akɛ ka gea te, yɛ aámbé ábómɛ aphe á ɓoamia á ka měma.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 7:11

Cɔ, ɛɔphi ndea Mósa asosi gea, ka ɓato á k'ékombo ndea Láwi tɔ unge ɓánsɔmbɔande kaɓɔ k'ékuma á ntoɓeigi-phɛ́a. Atú gǎkɛ oɓá na ɓábɛɗanigi ekuma ndɔ kángá kisɛki, ámbé ntoɓeigi-phɛ́a ɓaangbo ɓea nkókó á Mɛlkisɛdɛ́ki mmbé nna k'ékombo ndea Alɔ́ni akiɗiani ka ɓo?

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

1 Pɛ́tɛɛ 1:19

Ophendɔ a ka phɔa anu a ndiu á kema á esombi akpɛ ande gea, magia á Kiísito. Yɛ, ɗákú ɓea muna-mɔgɔgɔ ɔ́phɛɔ, mmbé ɗákátú na kiɗɔti na ɓojeɗe.

1 Pɛ́tɛɛ 2:22

Yɛ, ɗákági tanda ɓojeɗe, na ɗákáyɔngi tanda mbɛa.

1 Pɛ́tɛɛ 3:22

Yɛ, Yéso aámbé ɗáge na koba, aiki ka njaga á mǔku á Mokonga, na ana kɔkɔta gǔ á ɓamalaéka, ɓamɛna-kɔkɔta na ɓamɛna-ɓukpɛkpɛ á na koba.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: