Ɓaɛbulanía 7:19 - Ɔngana á Kɛ̌kɛ

¹⁹ nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.

Ɓaɛbulanía 7:19 Iomraidhean Croise

Yoáni 1:17

Nga, Mokonga ɗásóphi ɛɔphi ka njaga á Mósa, Yéso aámbé asobikíí ndiu na ɓonjánja na koɗoni.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 7:7

Cɔ, ɓɛ́yɔngɛ ɓo? Ɛɔphi ande ɓojeɗe? Aoɓóɓóa! Ɗéúbi tɔ ɓojeɗe ka nyɔngɔ ɛ́ɔphi nga, atuoɓá na ɓákáɗundu k'ɛ́ɔphi gea: «Kóɓɛmbɛ na mɔphɛ ájeɗe» ámbé keúbi gea mɔphɛ ájeɗea ɓei.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 3:21

Ande gea te, ɛɔphi atinganigi na mɔkɔ ndea Mokonga? Tanda phɔ́. Atú oɓá ɛɔphi n'ana ɓukpɛkpɛ á amisa á ɓakpa ka měma, na ɓakpa ɗáɓátɔi ú, ámbé ɛɔphi ɗáebisi ɓakpa, ɓato á koɗoni mosá á Mokonga.

Ɓagalatía 3:24

Ɛɔphi ɗáosóamba na ka ɓî Kiísito ɗábiki ka ɓá ɓato á koɗoni mosá á Mokonga ka nyɔngɔ á ɓeekea.

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

Ɓaɛbulanía 10:1

Ɛɔphi ndea Mósa a tɔ na iimbiɔ á kema ánjánja nde aobika. Nna gǎkɛ ophangia koɗoni á kema kau. Nanga ɓakpa ɓáphúia ɔphɛ́ɔ ndɔ ka saga bui, nna tanda ɔtɔka n'aími ɓojeɗe á ɓakpa nde ɓáobika mosá á Mokonga.

Ɓaɛbulanía 11:40

Cɔ, Mokonga ɗáangi ka phɔasu kema ánjá phɛɛ, ɗákákóndi gea ɓátɔɛ ú kángá á ɓesu.

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

Ɓaɛbulanía 7:11

Cɔ, ɛɔphi ndea Mósa asosi gea, ka ɓato á k'ékombo ndea Láwi tɔ unge ɓánsɔmbɔande kaɓɔ k'ékuma á ntoɓeigi-phɛ́a. Atú gǎkɛ oɓá na ɓábɛɗanigi ekuma ndɔ kángá kisɛki, ámbé ntoɓeigi-phɛ́a ɓaangbo ɓea nkókó á Mɛlkisɛdɛ́ki mmbé nna k'ékombo ndea Alɔ́ni akiɗiani ka ɓo?

Ɓaɛbulanía 7:20

Mokonga ɗákági nndɔ kángá ɔphá. Ɓunɛngbo ɗáɓángí k'ékuma á ntoɓeigi-phɛ́a kángá ɔphá.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

Ɓaɛbulanía 8:6

Kɛ̌kɛnde gǎkɛ, ekuma ndea Yéso a gǔ índe á ɓatoɓeigi-phɛ́a ɓunɛngbo nga, yɛ ajúkanisi ɔngana nde anyɛ́nyi nndɔ á mosá nnde cina í a ka mɔkɔ ánjá phɛɛ kɔnyɛ́nya nnde á mosá.

Ɓaɛbulanía 9:9

Nndɔ ande ɓea mɛní ka matú ndee. Ande gea te: Ɛkɔmi ka Mokonga, ɔphɛ́ɔ á ɓanyama nnaɔtɔka n'atɔtɔkisi ɓonjánja suɓi á měma á nkpa nde aoɓea moangɔ ndɔɔ.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.