Ɓaɛbulanía 7:18 - Ɔngana á Kɛ̌kɛ

¹⁸ Cɔ, ɓɛɔni gea te, Mokonga ɗáɗeketi ɛɔphi á kala nga ú ɗákátú na ɓukpɛkpɛ, phɔtɔ na kantíti

Ɓaɛbulanía 7:18 Iomraidhean Croise

Ɓalɔ́ma 3:31

Ande gea, ɓɛɔɓɛnjiaga ɛɔphi ka nyɔngɔ á ɓeekea ndɔ? Tanda phɔ́! Ɓe ndiu otétemisa ɛɔphi.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓagalatía 3:15

Ɓaya, neokengisia ɔnisa anu kema moci ka enda asu á esa bui. Aoɓá nkpa n'aɓɔngisigi ánjá mɔkɔ á mosá á kuwa, nna na nkpa nde aɔtɔka n'aɓúni mɔkɔ ndɔ kaɓɛ yamea ka kema gǔ í.

Ɓagalatía 3:17

Nnde neogea nɛ́yɔngɛ ande gea: Mokonga ɗábisi ɔngana nɛkɛ na Abalaámu kángá anganisa í. Ɛɔphi nde ɗákiɗiani mbusa á ɓasaga mia gena na nkama isaɔ (430), nnaɔtɔka n'aɓúni mɔkɔ ndɔɔ. Nna phɔtɔ ɔtɔka íma í.

Ɓagalatía 3:21

Ande gea te, ɛɔphi atinganigi na mɔkɔ ndea Mokonga? Tanda phɔ́. Atú oɓá ɛɔphi n'ana ɓukpɛkpɛ á amisa á ɓakpa ka měma, na ɓakpa ɗáɓátɔi ú, ámbé ɛɔphi ɗáebisi ɓakpa, ɓato á koɗoni mosá á Mokonga.

Ɓagalatía 4:21

Ómongoɗeani phɔ́, ɓenu íɓunde ɓookonda ɓá kusi ɛ́ɔphi ndea Ɓayúda! Ɓɔ́kɔ́ɔɔ́ka kema nde ɛɔphi ayɔngi?

Ɓagalatía 4:9

Kɛ̌kɛnde unge ɓomúbi Mokonga, ande gea te, Kɛ̌kɛnde unge Mokonga anóúbi. Cɔ, eke nde ɓoogea ɓójiiɛ ɓansombo na kema nde nna na ɓukpɛkpɛ kaɓɛ na kantíti, na kaɓa á ɓá goto ɓakɔɓɛ?

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.