Ɓaɛbulanía 6:5 - Ɔngana á Kɛ̌kɛ

⁵ ɓâ phɔtɔ oɗíía nyɔngɔ ánjá ndea Mokonga na ɔ́ka ɓukpɛkpɛ á matú nde abikande,

Ɓaɛbulanía 6:5 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Málikɔ 6:20

Nga, Ɛlɔ́dɛ ɗáomɓánga Yoáni. Ɗáúbi gea te, Yoáni ande nto á koɗoni na nto á kanga ɓojeɗe. Kaɓondɔ, áonamba. Mbenɔ nde ɗáɔ́ki, áotangaaga ka ɓoabi ndea Yoáni nanga ɓî ɗáokonda ɔ́ka á yɔnga akɛ phɛɛ.

Lóka 8:13

Ɓuangbo ɓá gǎkɛ ɓea mbenɔ nde mbó ndɔ ɗágu ka oɗo nde á n'ɛtɛ. Ɓáɔɔ́ka nyɔngɔ á Mokonga, ɓáɔbɛɗa ú na maseye. Nyɔngɔ ndɔ kangiɛ ndiu ɓea mǐgi suɓi aɓɔ. Ɓá tɔ oɓeekea ka mbenɔ ábɔa. Aoɓá na ɓáetambisigi tɔ ábɔa, ɓáoɗeketa ú.

Ɓaɛphɛ́sɔ 6:17

Bɛɗani ɓoamia á ka měma ɓea kekombó á ngɔa na Mbino-Ánjá ɓea píndí nde Měma á kanga ɓojeɗe abikisi.

Ɓaɛbulanía 11:3

Ka nyɔngɔ á ɓeekea aunge ɓeúbi gea te, Mokonga ɗáconji mokonda k'ɛ́sɔ akɛ nga, kema nde ɓɛɔɔna ɗátɔtɔkɛani k'índe nna ɔɔnɛkana.

Ɓaɛbulanía 2:5

Nga nna ɓamalaéka ɓáunge Mokonga ɗéɓophi kɔkɔta á mokonda ndɔ aobika nnde ɓɛɔyɔnga ka phɔa í.

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.

1 Pɛ́tɛɛ 1:25

Nyɔngɔ á Mɔkɔta a gǎkɛ oenda mɛyɔ.» Cɔ, nyɔngɔ nde, ande á Mbino-Ánjá nde ɗáɓánɔphɛí.

1 Pɛ́tɛɛ 2:3

A ɓíndɔ ɓáɗundu suɓi á Ɓuku á Mokonga gea: «Ɗóɓoúbi gea Mɔkɔta aanjánjá.»

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.