Ɓaɛbulanía 6:2 - Ɔngana á Kɛ̌kɛ

² ɓɔphɛi ka nyɔngɔ á oɓatisɔ, ka nyɔngɔ á bisia á njaga, ka nyɔngɔ á jujúka ka kukuwa, ɓakpa nde ɗáɓáku na nyɔngɔ á tena nyɔngɔ á ka sungiaga.

Ɓaɛbulanía 6:2 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Matáyɔ 3:14

Yoáni â gǎkɛ ɔkpɛma, áongoɗea Yéso: «Oɓɛ aámbé okeni ɓatisa ani. Cɔ, obiki mɔtɛ-amɔ ka ɓo?»

Málikɔ 16:16

Nkpa nde aɓeekeande, ɓáomɓatisa, yɛ aámbé Mokonga anamisande. Cɔ, mmbé káɓeekeɛku, Mokonga atenande nyɔngɔ nɛkɛ akpɛ.

Málikɔ 7:4

A phɔtɔ ɓó aoɓá na ɓátóki ka mosomba, ɓákáoeaga kángá á sokosa njaga. Ɓá phɔtɔ oɓea moangɔ ásii á asii nɛɓɔ ɓea: Sokosa á kiɓe, mbeka-toko na mbeka nde ɓáconji na ngɔa.

Málikɔ 7:8

Yéso â goto ǒngoɗea te: «A phɔtɔ ɓó ka ɓenu. Ɓoɗeketi ɛɔphi ndea Mokonga, ɓóotetemisa asii á kokpa.

Lóka 11:38

Mophaisáyɔ ndɔ, ɓî ɗáɔni gea, Yéso ɗákásokosi njaga mosá á eaga, áotangaaga.

Lóka 12:50

Nena oɓatisɔ nde nengiande gǎkɛ kau. Néotambaga phɛɛ na ka ɓî negande ɔtɔtɔkisa ú!

Lóka 14:14

Kaɓondɔ, oɓande na maseye nga, ɓakpa ndɔ ɓáká na kema á sikisia akɔ. Mokonga akosikisiande mbenɔ nde ɓato á koɗoni ɓájujukande ka kukuwa.»

Lóka 3:16

Yoáni â gǎkɛ ǒsikisia ɓakpa ɓɔbu gea: «Eme neonóɓatisa nɛmɔ ka iɓo. Nkpa moci a gǎkɛ obika mbusa ani n'amɔnyɛ́nyi ka ɓukpɛkpɛ. Kékeni koɗa á ngoi á ɓiato nɛkɛ. Yɛ aámbé anóɓatisande ka Měma á kanga ɓojeɗe na ka nsa.»

Yoáni 1:33

Cɔ, ɗékémúbi mosá á dida á Měma ndɔ. Nga, Mokonga mmbé amoteki néɓatisɛ ka iɓo, ɗámongoɗi: ‹Nɛmɔnande nkpa, Měma á Mokonga n'aodida, áoika na yɛ. Nkpa ndɔ aámbé aɓatisande ka Měma á kanga ɓojeɗe.›

Yoáni 5:29

mpɔ, ɓáojuana suɓi í. Ɓunde ɗáɓági ánjá, ɓáojujuka, ɓáoɓá na enda. Ɓunde ɗáɓági gǎkɛ ájeɗe, ɓáojujuka, ka tena nyɔngɔ nɛɓɔ akpɛ.

Ekuma á ɓateki 10:47

«Ani mmbé aɔtɔka n'aimisíí ye éɓatisa á ɓakpa nde ka iɓo, ɓî ɗáɓá ye tɔ na Měma á kanga ɓojeɗe ɓea ɓesu?»

Ekuma á ɓateki 13:3

Cɔ, mbusa á tútuisa ɛmɛmi na ika kángá á eaga ka nyɔngɔ á mɛma á Mokonga, ɓáobisa njaga gǔ á ɓɔ mpɔ, ɓáǒɗeketa ɓágɛ.

Ekuma á ɓateki 16:15

Ɓî ɓámɓatisi na ɓakpa nde ɓá k'éndu nɛkɛ ɓɔbu, áɔsɔ́ɔphana mɔtɛ-akɛ áogea: «Ɓî ɓoɓeeki ɗoni gea, nemɓeeki Mɔkɔta, bikani ɓóikɛ mɔtɛ-amɔ.» Áosósosea gea ɓéɓeekeɛ.

Ekuma á ɓateki 16:33

Ka mbenɔ á keiphe ndɔ tɔ, mɓondigi-mekakɔ áɔ̌bɛɗa, na gǎ á sokosa aɓɔ aphɛphɔa. Kɛ̌kɛndɔ tɔ, ɓáomɓatisa yɛ na ɓakpa nɛkɛ ɓɔbu.

Ekuma á ɓateki 17:18

Ka ɓato á ubapha á ka nkíndí ndea Ɓaipikulíɔ na Ɓasitɔíkɔ, ɓáokpanga púa na Pɔ́lɔ. Ɓunɛngbo ɓáɔyɔnga gea: «Nto á eongo nde akondi yɔnga á kema sina?» Ɓuangbo goto: «A ɓea nkpa n'aɔtɔmiaga nyɔngɔ á ɓamokonga á mbɛa ɓunde ɓékéǒɓúba.» Ɗáɓáyɔngi ɓó nga, ɗáɓáɔmɔ́ka Pɔ́lɔ n'aɔtɔmiaga Mbino-Ánjá ndea Yéso na nyɔngɔ á jujúka á ɓasí ka kukuwa.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 2:41

Cɔ, ɓakpa nde ɗáɓáɓeeki nyɔngɔ ndea Pɛ́tɛɛ, ɓáǒɓatisa. K'ésa ndɔ tɔ, ɓakpa ɓea ɛlɛphu isaɔ (3.000), ɓáǒyamea ka nkíndí á ɓaɓêki.

Ekuma á ɓateki 23:6

Ɓî Pɔ́lɔ ɗáúbi gea ka ɓato á ka ntua ndɔ ɗáɓátú Ɓaphaisáyɔ, ɓuangbo gǎkɛ Ɓasadukáyɔ, mpɔ áɔyɔnga k'ɛ́sɔ akpɛ ka ntua ndɔ gea: «Ɓaya, nende Mophaisáyɔ, muna Ɓaphaisáyɔ. Ɓáotena nyɔgɔ nɛmɔ akpɛ ka nyɔngɔ nde, ɓena nseɓeɔ ka nyɔngɔ á jujúka á ɓasí ka kukuwa.»

Ekuma á ɓateki 24:15

Nena nseɓeɔ ka Mokonga, ɓíndɔ ɓakpa ndɔ ɓá ně gea, ɓakpa ɓ'ánjá na ɓakpa ɓ'ájeɗe ɓɔbu ɓájujukande ka kukuwa.

Ekuma á ɓateki 24:21

na nna tɔ nyɔngɔ nde ɗéyɔngi na nemamege mosá aɓɔ n'ɛsɔ akpɛ gea te: ‹Ka nyɔngɔ á jujúka á ɓasí ka kukuwa aunge ɓáotena nyɔngɔ nɛmɔ kesande!›»

Ekuma á ɓateki 24:25

Ɓî Pɔ́lɔ ɗátú ɔyɔnga nyɔngɔ á koɗoni, ɛngɛpha na tena á nyɔngɔ akpɛ nde abikaeka, Phelíki áoɓá na kɔɓɔɓɔkɔ. Áongea Pɔ́lɔ te: «Ka kɛ̌kɛnde, gǎ phɔ́! Nɛkɔɔphanande goto mbenɔ nɛngbo.»

Ekuma á ɓateki 26:8

Ka nyɔngɔ sina nde ɓenu Ɓayúda ɓɔɔni gea te, nna tanda ɔtɔtɔkɛana ka Mokonga jujúkisa á ɓasí ka kukuwa?

Ekuma á ɓateki 4:2

Ɓáɔɓɛa phɛɛ nga, Pɛ́tɛɛ na Yoáni ɗáɓáǒgoisaga ɓakpa nyɔngɔ á jujúka á Yéso ka kukuwa. Nga, jujúka akɛ ka kukuwa, aunge aengekisi gea ɓasí ɓájujukande ka kukuwa.

Ekuma á ɓateki 6:6

Ɓáǒbisa mosá á ɓateki, ɓateki ɓáǒbisia njaga, ɓáɔmɛma Mokonga ka nyɔngɔ aɓɔ.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

1 Ɓakɔlítɔ 10:2

Egugu na iɓo ndɔ, ɗátú mphangiɔ á oɓatísɔ ka ɓɔ ɓɔbu ka gea, ɓájukanɛ na Mósa.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

Ɓaphilípi 3:21

Yɛ, aketiande nyama asu á ɔlɔmana na á kukuwa, áobisa ú ɓea nɛkɛ á ɓoombia. Atɔtɔkisande nndɔ ka ɓeana na ɓukpɛkpɛ nde ɗátɔtɔkisi ka bisa kema bui kusi akɛ.

Ɓakɔlɔsái 2:12

Ɓî ɗáɓánóɓatisi, ɗáɓánóúmbi kimoci na Kiísito, ɓô phɔtɔ ojujuka ka kukuwa kimoci na yɛ. Nga, ɗóɓoɓeeki ɓukpɛkpɛ ndea Mokonga nnde ɗánjujúkisi Kiísito ně sɔsɔɓɛ á ɓasí.

2 Timɔtɛ́ɔ 2:18

Ɓɔ, ɓásagi ɓɔphɛi á ɗoni, ɓáɔyɔnga te, moangɔ á jujúka á ɓasí ka kukuwa a ye tɔtɔkɛani. Kaɓondɔ, ɓáoɓotea ɓeekea á ɓakpa ɓásii k'ódemayɔ.

Ɓaɛbulanía 11:35

Ɗátú phɔtɔ na ka ɓake nde ɗáɓěɓɔni goto ɓundɔ ɗáɓásí na ɓájujúki ka kukuwa. Ɓakpa ɓuangbo gǎkɛ ɓî ɗáɓětumigi ɓáokuwa, ɓáoyá gea ɓákěkoɗɛmbɛ. Ɗáɓákondi tɔ kukuwa, ka nyɔngɔ nde ɗáɓákondi ndiu jujúka ka kukuwa, ɓáoɓá na enda ánjá phɛɛ á mɛyɔ.

Ɓaɛbulanía 9:10

Nndɔ bui atɔndɔ ka nyɔngɔ á kema á koea, kema á onoa na moangɔ ɗanga-ɗanga á sokosea á ɓojeɗe á nkpa. Kantíti índɔ ɗásungíígi ka mbenɔ nde Mokonga ɗáɓɔngisigi moangɔ á kɛ̌kɛ.

2 Pɛ́tɛɛ 3:7

Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.