Ɓaɛbulanía 6:19 - Ɔngana á Kɛ̌kɛ

¹⁹ Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

Ɓaɛbulanía 6:19 Iomraidhean Croise

Matáyɔ 27:51

Cɔ, ka mbenɔ ndɔ, ngɔ́mbɛ á suɓi éndu á Mokonga áɔnyɔka ka phaeka iɓɛ, k'égo áobika osungia kusi. Oɗo áoɗenga, okanga áobomokaga.

Ekuma á ɓateki 23:6

Ɓî Pɔ́lɔ ɗáúbi gea ka ɓato á ka ntua ndɔ ɗáɓátú Ɓaphaisáyɔ, ɓuangbo gǎkɛ Ɓasadukáyɔ, mpɔ áɔyɔnga k'ɛ́sɔ akpɛ ka ntua ndɔ gea: «Ɓaya, nende Mophaisáyɔ, muna Ɓaphaisáyɔ. Ɓáotena nyɔgɔ nɛmɔ akpɛ ka nyɔngɔ nde, ɓena nseɓeɔ ka nyɔngɔ á jujúka á ɓasí ka kukuwa.»

Ekuma á ɓateki 27:29

Kaɓondɔ, ɓáomaka ɓ'etae gena á kigisa á koko ka ɓɔɓa, ka ɓánga gea, koko kagbondoɛmbɛ mɛphɛ. Ɓáoɓondeaga gea, somambi esa n'akoɗokani.

Ekuma á ɓateki 27:40

Ɓáokóɗaga ngoi á etae á kigisa á koko, ɓáosaga ú ándiɛ ka iɓo, ɓâ phɔtɔ okoɗa nkái á kětia á koko ka tambisa á koko ánjá. Ɓáɔɓɔɛa gbútuka me á phoɓa nnde aotambisa koko ka me á mosá k'égo. Ɓáokáɓa dunduisa á koko.

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

Ɓalɔ́ma 4:18

Abaláamu ɗáɓeeki seɓea kema nde ɗákákeni ye seɓea í. Ka nyɔngɔ á ɓeekea ndɔ unge a ye tɔ «Aba ɛɓɔkɔti ásii.» Ɓindɔ ɗáɓáɗundu suɓi á Ɓuku á Mokonga gea: «Ɓende unge ɛɓɔkɔti nɛkɔ aɓikande.»

Ɓalɔ́ma 5:4

moíngí áobikisa phiphia ka tombaga, phiphia áobikisa nseɓeɔ.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

Ɓaɛphɛ́sɔ 2:6

Ka nyɔngɔ á ɔngana asu na Kiísito, Mokonga ɗásójujúkisi ka kukuwa kimoci na yɛ. Ɓemameande nji na yɛ na koba.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 3:1

Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

Ɓaɛbulanía 9:3

Ɔma á ko iɓɛ ɗáɓáɔɔphana ɔma á kanga ɓojeɗe phɛɛ. Bɔngɔ agbae unge ɗákatisani ɔma ndɔ a iɓɛ.

Ɓaɛbulanía 9:7

Cɔ, ngbɛga á ɓatoɓeigi-phɛ́a tɔ aámbé a ndiu ongia suɓi á ɔma á ko iɓɛ mɔngɔ ímoci ka saga moci. Yɛ, nnaobika mosá á Mokonga kángá magia á nyama k'ɔ́phɛ́ɔ á ka phɔakɛ sasakɛ, phɔtɔ ka phɔa á ɓojeɗe nde ɓakpa ɓági kángá úba í.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,