Ɓaɛbulanía 6:18 - Ɔngana á Kɛ̌kɛ

¹⁸ Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

Ɓaɛbulanía 6:18 Iomraidhean Croise

Matáyɔ 24:35

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Matáyɔ 3:7

Cɔ, Ɓaphaisáyɔ na Ɓasadukáyɔ ɓásii, ɗáɓámbikíí Yoáni-Mɓatisi, ka gea áeɓatisɛ, áǒngoɗea: «Ɛɓɔkɔti á kaɓokosa nde ca! Ani mmbé ɗánophangi aphe á tea á esúia ndea Mokonga nnde a bíbí á bika?

Lóka 2:25

Cɔ, nkpa moci ɗátú ka Yɛusalɛ́ma, ina akɛ Simɛɔ́ni. Ɗátú nto á koɗoni na nto á konda á Mokonga phɛɛ. Ɗáomɓondeaga Namisi á Ɓaisilaɛ́li. Měma á kanga ɓojeɗe ɗá kimoci na yɛ.

Ɓalɔ́ma 15:5

Ambe Mokonga mmbé aosóphiphisa měma na kpagisaga asu ásɔɔnganisɛ ánjá ɓíndɔ Yéso akondi.

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓalɔ́ma 3:4

Tanda phɔ́! Ambe Mokonga áúbikanɛ gea, a tɔ ɔyɔnga ɗoni, ɓakpa ɓáunge ɓá ndiu ɔyɔnga mbɛa. A tɔ ɓíndɔ ɓáɗundu suɓi á Ɓuku á Mokonga gea: «Ambe óúbikanɛ gea, ɔ tɔ ɔyɔnga ɗoni. Mbenɔ nde ɓáɔkɔtɔnga, ka nyɔngɔ ájeɗe kaɓɛmbɛ gǔ akɔ.»

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓaphilípi 2:1

Cɔ, ɓî ɓo kimoci na Kiísito, nndɔ anóphi ɓukpɛkpɛ ka měma. Ekondi nɛkɛ ka ɓenu, anóphiphisi měma. Ɓo kimoci na Měma á kanga ɓojeɗe. Ɓona ekondi na ngomi sɔsɔɓɛ anu.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Ɓakɔlɔsái 1:27

Ka nyɔngɔ nde Mokonga ɗákondi phangia á ɓakpa ndɔ base, moangɔ nɛkɛ á ɓɔsɔmɛa nde ana ɛtɔi ásii á ɓoombia, nnde ɗági ka phɔa ɓato á ekuna bui. Ketangaɔ ndɔ ande gea, Kiísito aiki ka měma anu, mpɔ ɓóoɓá na nseɓeɔ á ika kimoci na yɛ k'ɔ́ma á ɓoombia ndea Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 2:13

Kaɓɛ na ɓékéɔtɔtɔkisa nyɔngɔ nde ɓɛɔyɔnga, yɛ a tɔ ɔtɔtɔkisa nyɔngɔ nde aɔyɔnga nga, nnaɔtɔka n'angáni nyɔngɔ nɛkɛ sasakɛ.»

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 3:11

Kaɓondɔ, ɗɛɔphí ka ɓɛí ndeamɔ gea: ‹Ɓákángiɛku tanda ka nji nde ɗéɛ̌ɓɔngisíí ka úmbia kau.›»

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 6:17

Mokonga ɗáyami ɔphá gǔ á mɔkɔ ka úbisa ɓakpa nde ɓátɔande ɓotukɔ á mɔkɔ gea, Mokonga káketiɛeka tanda moangɔ nde abisi ka phɔa nkpa.

Ɓaɛbulanía 7:19

nga, ɛɔphi ndea Mósa ɗákáɔtɔka tɔtɔkisa ka kema. Ɓɛɔni ndiu goto gea ɓe ye gǎkɛ na nseɓeɔ ánjá phɛɛ, ka nyɔngɔ á nseɓeɔ ndɔ unge ɓeombîmisia Mokonga.

Ɓaɛbulanía 7:21

Cɔ, ka phɔa Yéso, Mokonga ɗáɔphí ndiu mbenɔ nde ɗángoɗi gea: «Mɔkɔta ɗáɔphí na kásikiɛku ye kau. Onde ntoɓeigi-phɛ́a mɛyɔ.»

1 Yoáni 1:10

Aoɓá na ɓɛyɔngi te: «Ɓékégi ɓojeɗe» ámbé ɓengaí Mokonga gea te, ande nto á mbɛa na Nyɔngɔ nɛkɛ nna suɓi asu.

1 Yoáni 5:10

Nkpa buakɛ mmbé amɓeeki Muna-Mokonga, a ye n'aɗigimisi ka yɛ sasakɛ. Mmbé kámɓeeki gǎkɛ Mokonga, agi gea Mokonga ande nto á mbɛa. Nga, káɓeeki nnde Mokonga aɗigimisi ka phɔa Miki-mǒko nɛkɛ.