Ɓaɛbulanía 6:10 - Ɔngana á Kɛ̌kɛ

¹⁰ Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.

Ɓaɛbulanía 6:10 Iomraidhean Croise

Matáyɔ 10:42

Nenóngoɗi ɗoni gea, mmbé aomopha cǎ moci á iɓo ádɛdɛ̌ ka ɓakpa ɓábɔbɔbɔa nde moci sɔsɔɓɛ á ɓagoigi nɛmɔ, ka nyɔngɔ nde yɛ ande ngoigi nɛmɔ, atɔande ophendɔ nɛkɛ.»

Matáyɔ 20:7

Ɓáonsikisia gea: ‹Ka nyɔngɔ nde nkpa kásongisi k'ékuma.› Áǒngoɗea: ‹Cɔ, ɓenu phɔtɔ, gǎni ɓɔ́bɛɗanɛgɛ ka ciko nɛmɔ á mujabíbu.›

Matáyɔ 25:17

Mmbɔ ɗábɛɗi imɔna á láté iɓɛ, áogea ɓíndɔ dakɛ ɗági. Áɔtɔa nɛngbo imɔna á láté iɓɛ.

Málikɔ 9:41

«Aoɓá nkpa n'anophi cǎ moci á iɓo á konoa ka nyɔngɔ nde ɓonde ɓakpa ndea Kiísito, nenóngoɗi ɗoni gea, nkpa ndɔ káúkɛku ophendɔ nɛkɛ.»

Yoáni 13:20

Nenóngoɗi ɗoni gea, nkpa nde ansesi mmbé nenteki, amosesi phɔtɔ. Nkpa nde amosesi, ansesi mmbé ɗámoteki.»

Ekuma á ɓateki 10:31

Áomongoɗea te: ‹Mokonga aɔ́ki ɛmɛmi nɛkɔ, aokokanisia ka nyɔngɔ á kema nde ǒgabei ɓaúki.

Ekuma á ɓateki 10:4

Kɔɔnɛlíɔ áontúmia n'iso, n'ana kɔɓɔɓɔkɔ. Áomúsia: «Mɔkɔta, ama ɓo?» Malaéka áonsikisia te: «Mokonga aɔ́ki ɛmɛmi nɛkɔ na ɓeekea á kema nde ǒgabei ɓaúki. Kaɓondɔ, aokokanisia.

Ekuma á ɓateki 11:29

Cɔ, ɓagoigi á ka Antiɔkía ɓáosuia gea, ɓáphúiɛ imɔna ɓíndɔ nkpa na nkpa atɔande, ɓátekɛ ka enga á ɓadaɓɔ ɓaɓêki á na Yudɛ́a.

Ɓalɔ́ma 12:13

Ótaɓeani ɓato á Mokonga ka kema nde ɓá na siki í. Óseseani ɓunde ɓáonódonda.

2 Ɓakɔlítɔ 9:1

Ɓaya, kákeni goto nénoɗunduiɛ nyɔngɔ á taɓeá á ɓakpa ndea Mokonga ɓunde ɓá ka Yudɛ́a.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 10:32

Kanisiani phɔ́ kema nde ɗátɔtɔkɛani ka ɓenu mbenɔ nde ɗóɓotɔi owanga ndea Mokonga. Mbusa índɔ ábɔa ɓôtambaga akpɛ phɛɛ, ɓô gǎkɛ ophiphia ú.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.