Ɓaɛbulanía 6:1 - Ɔngana á Kɛ̌kɛ

¹ Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

Ɓaɛbulanía 6:1 Iomraidhean Croise

Matáyɔ 21:29

Áonsikisia abakɛ te: ‹Kéokonda.› Mbusa, áoketia kanisia akɛ, áoga.

Matáyɔ 21:32

Nga, Yoáni-Mɓatisi ɗábiki mɔtɛ-anu ka phangia anu aphe ánjá, ɓókomɓeekeɛ. Ɓaphendisigi-manjanja na ɓato á mambɔ ɓáunge ɗáɓámɓeeki ndiu. Nanga ɓî ɗɔ́ɓɔɔni ndɔ, ɗóɓókókěti gǎkɛ tambea anu ka ɓeekea akɛ.»

Matáyɔ 3:2

«Kětiani tambea anu ájeɗe, ka nyɔngɔ nde koɓoamɛ ndea Mokonga a bíbí!»

Matáyɔ 4:17

Ka mbenɔ ndɔ tɔ, Yéso áokpanga phɛá ɓe: «Kětiani tambea anu ájeɗe nga, koɓoamɛ ndea na koba a bíbí!»

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Matáyɔ 7:25

Mbua áɔɔka, iɓo áotúma, sumbu áɔɓɛta endu ndɔ, káuɗúkanɛ gǎkɛ, ka nyɔngɔ nde ɗáɓáphɛ̌ki endu ndɔ gǔ á ɛtɛ.

Málikɔ 1:1

Wani ande nkpangeɔ á Mbino-Ánjá á Yéso Kiísito, Muna-Mokonga.

Málikɔ 6:12

Mbusa í, ɓateki ɓáoga, ɓáɔ̌tɔmia ɓakpa te: «Kětiani tambea anu ájeɗe.»

Lóka 6:48

A ɓea nkpa moci mmbé ɗáphɛ̌ki endu, áotongea oɗo, áondisa, áocuma ɓ'étimo, cu! Tuma abiki, mǔku-iɓo áɔɓɛta endu, kaɗengisɛ tanda, ka nyɔngɔ nde, ɗáphɛ̌ki ú ánjá gǔ ɛ́tɛ.

Yoáni 12:44

Cɔ, Yéso ɗáengoɗi ɓakpa k'ɛ́sɔ akpɛ gea: «Nkpa nde amoɓeeki, kámoɓeeki tɔndɔ eme, amɓeeki phɔtɔ mmbé amoteki.

Yoáni 14:1

Yéso áǒngoɗea ɓagoigi ɓe: «Ɓókotambɛgɛmbɛ ka měma. Mɓeekeani Mokonga, ɓómoɓeekeɛ phɔtɔ eme.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ekuma á ɓateki 26:20

Cɔ, ɗɛ́phɛí phɔ́ gǎkɛ ɓato á ka Damasíki, mpɔ ɓato á ka Yɛusalɛ́ma, na ɓato á ka nji á Yudɛ́a ɓɔbu, na ɓakpa nde ɓáná Ɓayúda. Ɓɔphɛi ndɔ ɗátú ka gea, ɓákětiɛ tambea aɓɔ ájeɗe, ɓéphaiɛ ka Mokonga, mpɔ ɓáúbisɛ gea, ɓá ye ěkěti.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

1 Ɓakɔlítɔ 13:10

Mbenɔ nde kema bubui á kanga kisɛki aɓáeka, kema á kisɛki-kisɛki káɓɛeka ye gǎkɛ.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

2 Ɓakɔlítɔ 7:10

Nga, esúia nde aotóka ka mɔphɛ á Mokonga, aoketia tambea ka ɓá na ɓoamia á ka měma, ianaga káɓéku ye. Esúia á mɔphɛ á ka mokonda a gǎkɛ okusisa.

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

Ɓakɔlɔsái 3:14

Gǔ índɔ bui, ɓáni n'ekondani nga, ekondani aunge aɔɔnganisa ánjá.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Timɔtɛ́ɔ 6:19

Kaɓondɔ unge, ɓábisande ka ɓɔ nkumba ánjá nnde aoiphia k'ésa nde abikaeka ka gea, ɓáɓɛ na enda á ɗoni.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.

Ɓaɛbulanía 12:13

Bisani ecinji anu k'aphe n'ěcumi dɛ! Ka gea te, ɓato á kiɗɔti ɓákaguɛmbɛ, ecinji aɓɔ áamɛ ndiu.

Ɓaɛbulanía 7:11

Cɔ, ɛɔphi ndea Mósa asosi gea, ka ɓato á k'ékombo ndea Láwi tɔ unge ɓánsɔmbɔande kaɓɔ k'ékuma á ntoɓeigi-phɛ́a. Atú gǎkɛ oɓá na ɓábɛɗanigi ekuma ndɔ kángá kisɛki, ámbé ntoɓeigi-phɛ́a ɓaangbo ɓea nkókó á Mɛlkisɛdɛ́ki mmbé nna k'ékombo ndea Alɔ́ni akiɗiani ka ɓo?

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yakɔ́ɓɔ 1:4

Ambe moíngí ndɔ áɓɛ base ka gea, ɓɔ́mɔtɛ ka měma, ɓóɓɛ na ɓukpɛkpɛ kángá á kisɛki moci na kángá úka ka kema.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.