Ɓaɛbulanía 5:9 - Ɔngana á Kɛ̌kɛ

⁹ Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

Ɓaɛbulanía 5:9 Iomraidhean Croise

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Lóka 13:32

Yéso áǒsikisia te: «Gǎni ɓóngoɗeɛ kɛnsɛngɛ ndɔ ɓe: Néǒɓeaga ɓansombo na amisa á ɓato á esambɔ kesande na mama. Esa á ko isaɔ aunge nɛɔgɔɓa ekuma.

Yoáni 19:30

Ɓî Yéso amúmi ye ú, áogea: «Cɔ, así.» Áɔtúmanisaga mɔ̌ akɛ, áɔɗɔɛa.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ekuma á ɓateki 5:32

Ɓende phɔtɔ ɓaɗigimisi á nyɔngɔ ndɔ bubui. Měma á kanga ɓojeɗe mmbé Mokonga ɗéɓophi ɓundɔ ɓáɔmɔ́ka a phɔtɔ ogea ɓó.»

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 10:16

Ɓakpa ɓɔbu ɗáɓákáɓeeki gǎkɛ Mbino-Ánjá ndɔɔ. Isáya ɗáyɔngi ɓe: «Mɔkɔta, ani mmbé atóɓeeki Mbino-Ánjá nde ɓetúɔtɔmiaga?»

Ɓalɔ́ma 15:18

Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

2 Ɓakɔlítɔ 10:5

ɓeogusa kema bubui nde ɓakpa ɓáǒbeba ně ka imisia úbapha ndea Mokonga. Úbapha ájeɗe áoɓá ɓea nto émani, mmbé ɓándungi, ɓáomakea ka mekakɔ gea, ámɔ́kɛ tɔ Kiísito.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

2 Ɓatɛsalɔníka 1:8

Adidande k'ɛɛmbɛ á nsa. Aětambisagande ɓunde ɓánaomúba Mokonga, na ɓunde ɓáoyá ɓeekea á Mbinɔ-Ánjá ndea Mɔkɔta nɛsu Yéso Kiísito.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Ɓaɛbulanía 11:40

Cɔ, Mokonga ɗáangi ka phɔasu kema ánjá phɛɛ, ɗákákóndi gea ɓátɔɛ ú kángá á ɓesu.

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 2:10

Mokonga ɗáconji kema bui ka phɔakɛ na k'aphe nɛkɛ. Ɗági ɓó ka ɓǒtea á ɓaniki ɓásii ka ɓoombia nɛkɛ. Ka tɔtɔkisa nndɔ, ɗákeni ámɓɔngisɛgɛ Yéso ánjá phɛɛ k'aphe á tambaga akɛ ka gea te, yɛ aámbé ábómɛ aphe á ɓoamia á ka měma.

Ɓaɛbulanía 2:3

Cɔ, ɓeúkande tena á nyɔngɔ ndeasu akpɛ ɓo, kaɓɛ na ɓɛɓɛnjigi nyɔngɔ ángbó á ɓoamia ɓínde? Nga, nyɔngɔ ndɔ Mɔkɔta aámbé ɗákpangi tɔ̌mia í, mpɔ ɓunde ɗáɓáɔ́ki ɓáoengekisa ka ɓesu.

Ɓaɛbulanía 9:12

Nna gǎkɛ ka nyɔngɔ á magia á ɓǔku á mɛmɛ na magia á ɓamponjo á ɓǔku á ngɔmbɛ, ɗábisi ndiu magia akɛ sasakɛ ka phɛ́a, mpɔ â tɔ ongia mɔngɔ ímoci tɔndɔ k'ɔ́ma á kanga ɓojeɗe phɛɛ, áosókoɗaga ka ɓojeɗe nɛsu ɗoni, ɓéoɓá na ɓoamia á mɛyɔ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.