Ɓaɛbulanía 5:7 - Ɔngana á Kɛ̌kɛ

⁷ Mbenɔ nde Yéso ɗátú ka mokonda, ɗáonɗengemisaga Mokonga k'ɛ́mɛmi n'ɛsɔ akpɛ n'aogáma nga, Mokonga aámbé ɗáɔtɔka amisa akɛ ka kukuwa. Ka nyɔngɔ á édidisa akɛ unge Mokonga ɗáɔ́ki ɛmɛmi ndɔɔ.

Ɓaɛbulanía 5:7 Iomraidhean Croise

Matáyɔ 27:46

Ka mbenɔ á ko isaɔ í, Yéso áɔyɔnga akpɛ gea: «Ɛlɔ́i, Ɛlɔ́i, lama sabakatáni!» Ande gea te: «Mokonga nɛmɔ, Mokonga nɛmɔ. Omoɗeketi ka ɓo?»

Matáyɔ 27:50

Yéso â goto okoga, áɔɗɔɛa.

Málikɔ 15:34

Ka akpaala, Yéso áotoɓea: «Ɛlɔ́i, Ɛlɔ́i, lama sabakatáni?» Ande gea: «Mokonga nɛmɔ, Mokonga nɛmɔ, omokambi ka ɓo?»

Málikɔ 15:37

Yéso â gǎkɛ okoga, áɔɗɔɛa.

Lóka 23:46

Mpɔ Yéso áokoga k'ɛ́sɔ akpɛ te: «Cɔ, Abɛ! Nesikisi měma ani ka njaga akɔ.» Ka yɔnga akɛ nndɔ, áɔɗɔɛa.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 11:35

Yéso áogáma.

Yoáni 11:42

Eme, neoúba gea, ɔɔmɔɔ́ka esa bui. Nɛyɔngi gǎkɛ ɓó, ka nyɔngɔ á ɓakpa nde ɓámotimbi, ka gea ɓáúbɛ gea te, oɓɛ aámbé ɗómoteki.»

Yoáni 17:1

Mbusa á Yéso yɔnga ɓó, áɔɛnjia na koba, áɔyɔnga ɓe: «Abɛ, mbenɔ ajú, nɗokomisa Anakɔ gea te, Anakɔ ákoɗokomisɛ.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓagalatía 4:4

Cɔ, ɓî mbenɔ ndɔ ɗáɓábisi ɗájú ye, Mokonga áonteka Anakɛ mmbé nke ɗámɓɔkɔti, áoɓá kusi ɛ́ɔphi ndea Ɓayúda

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

Ɓaɛbulanía 10:10

Cɔ, Yéso atɔtɔkisi kema nde Mokonga ɗákondi. Áobisa nyama akɛ sasakɛ tɔ mɔngɔ ímoci ka phɛ́a. Ka nyɔngɔ índɔ unge ɓojeɗe á ka měma asu aímiki.

Ɓaɛbulanía 10:5

Kaɓondɔ unge, mbenɔ á ngia á Yéso ka mokonda ɗáyɔngi gea: «Ɗókókóndi ɔphɛ́ɔ na ɛkɔmi ka Mokonga, ô ndiu oconja nyama á kokpa ka phɔani.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 12:28

Cɔ, ɓénsikisiɛ Mokonga ɓosegi, ka nyɔngɔ nde, asóphi koɓoamɛ akpɛ, nnde nnaɔtɔka n'aɗengi. Kaɓondɔ, ɓémbɛɗaneɛgɛ ɓíndɔ amɓɔngɛi, ɓɛmɔ́kɛ, ɓémɓangɛ.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

1 Yoáni 4:3

Nkpa nde káɓeeki gǎkɛ ɓó, nna na Měma á Mokonga. Měma nde a gǎkɛ ně ande á koɓiɓia ka Kiísito. Ɗɔ́ɓɔɔ́ki gea, mɓiɓia ndɔ aobika, na kpanga kɛ̌kɛnde a ye tɔ ka mokonda.

2 Yoáni 1:7

Nga, ɓademigi ɓásii ɓándandi ka mokonda. Ɓáná gǎkɛ oɓeekea gea, Yéso Kiísito ɗáɓɔkɔtɛani nkpa ɗoni. Ka nyɔngɔ índɔ unge odemayɔ nɛɓɔ aɔnɛkani, ɓánde phɔtɔ ɓaɓiɓia ndea Kiísito.