Ɓaɛbulanía 5:5 - Ɔngana á Kɛ̌kɛ

⁵ A phɔtɔ ɓó ka Kiísito. Nna yɛ sasakɛ aámbé ɗébisíí ɓokutú á ngbɛga á ɓatoɓeigi-phɛ́a. Yɛ, ɗátɔi ndiu ú ka mmbe ɗáyɔngi ka phɔakɛ gea: «Oɓɛ onde Miki-Mǒko ndeamɔ. Kesande eme nende Abakɔ.»

Ɓaɛbulanía 5:5 Iomraidhean Croise

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Yoáni 7:18

Mmbé aɔyɔnga nyɔngɔ nɛkɛ sasakɛ, a tɔ okaɓa ɓoombia nɛkɛ sasakɛ. Mmbé a ndiu okaɓa ɓoombia á mmbé anteki, ande nto á ɗoni. Nna na ɓojeɗe suɓi akɛ.

Yoáni 8:54

Yéso áǒsikisia: «Aoɓá na něɗokomisi sasani, nndɔ nna na kantíti. Abɛ, mmbɔ ɓogi te ande abanu, mmbɔ aámbé aomoɗokomisa.

Ekuma á ɓateki 13:33

Mokonga atɔtɔkisi mɔkɔ ndɔ ka ɓesu ɓasuko aɓɔ, ka jujúkisa á Yéso ka kukuwa ɓíndɔ ɗáɓáɗundu ka Jabúi ɓe: ‹Oɓɛ onde miki nɛmɔ. Kesande nende Abakɔ.›

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

Ɓaɛbulanía 1:1

Ka mbenɔ á kala, Mokonga ɗáyɔngi na ɓatatasu mɔngɔ ásii na k'ététe ɗanga-ɗanga, k'aphe á ɓaɔtu-nyɔngɔ nɛkɛ.

Ɓaɛbulanía 1:5

Nga, nna na ka ɓamalaéka nde Mokonga angoɗimbɛ mɔnɔ gea: «Oɓɛ onde Miki-Mǒko ndeamɔ. Kesande eme nende Abakɔ.» Goto kángoɗimbɛ mɔnɔ tanda ka ɓamalaéka: «Neɓande ka yɛ, Abakɛ na aɓande k'éme, Miki-Mǒko.»

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 3:1

Ɓadasu ɓato á Mokonga, ɓî a ɓó, ɓe tɔ na ɓenu ka mɔphani nde Mokonga asɔɔphani. Cɔ, ntúmiani Yéso n'íso nga, yɛ aámbé Mokonga anteki, a phɔtɔ ngbɛga á ɓatoɓeigi-phɛ́a mosá á Mokonga ka ɓeekea nɛsu nde ɓɛɔtɔmiaga ú.

Ɓaɛbulanía 5:10

Nga, Mokonga ɗánkumi gea ande ngbɛga á ɓatoɓeigi-phɛ́a ɓea nkókó índɔ á Mɛlkisɛdɛ́ki.