Ɓaɛbulanía 5:14 - Ɔngana á Kɛ̌kɛ

¹⁴ Eea akpɛ a ndiu tɔ ka ɓakpa nde ɓamɔti nga, ɓáɛmbani ye na katanisa á kema ánjá na kema ájeɗe.

Ɓaɛbulanía 5:14 Iomraidhean Croise

Matáyɔ 5:48

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓaphilípi 3:15

Ɓesu íɓundɔ ɓe ye mɔti ka měma, ɓégeɛ tɔ ɓó. Aoɓá ka ɓenu n'ana kanisia nɛngbo ngángá, Mokonga anophangiande base.

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Timɔtɛ́ɔ 4:7

Kóɓeekeɛmbɛ gǎkɛ egani á jǎi-jǎi, na nnde atingani na moangɔ á ɓeekea. Ókakamisa ka tambea ánjá mosá á Mokonga.

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

Yakɔ́ɓɔ 3:2

Nga, ɓesu ɓɔbu ɓeogea nyɔngɔ ájeɗe-jeɗe. A gǎkɛ oɓá nkpa na nnaɔyɔngaga nyɔngɔ ájeɗe-jeɗe ande nkpa nde akeni, mmbé aɔtɔka amba nyama akɛ bui.