Ɓaɛbulanía 5:13 - Ɔngana á Kɛ̌kɛ

¹³ nga, nkpa nde aoúnga a phɔ́tɔ miki. Nna na úbapha ásii á nyɔngɔ á koɗoni.

Ɓaɛbulanía 5:13 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Málikɔ 10:15

Nenóngoɗi ɗoni gea, nkpa nde káɓeeki nyɔngɔ á koɓoamɛ ndea Mokonga ɓea miki, kángiɛku tanda kó.»

Ɓalɔ́ma 2:20

Onde phɔtɔ ngoisigi á ɓabóbó na ngoisigi á ɓaniki nga, ooúba ɗoni gea, ɛɔphi aokophangia aphe á úbapha phɛɛ na koɗoni.

1 Ɓakɔlítɔ 13:11

Ɓî ɗétú miki, ɗɛ́ɔyɔnga ɓea miki, ɗéokanisia ɓea miki, ɗɛ́ɔbɛɗa nyɔngɔ ɓea miki. Cɔ, ɓî nɛmɔti ye, neɗeketi nyɔngɔ á koniki bui.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

1 Ɓakɔlítɔ 3:1

Cɔ, ɓaya, ɗékétɔki ngoɗea anu nyɔngɔ ɓea ɓakpa nde ɓá na Měma á Mokonga. Ɗɛ́yɔngi ndiu na ɓenu ɓea ɓakpa á ka mokonda ndee, ɓea ɓambɛnjɛ suɓi á ɓeekea á Kiísito.

2 Ɓakɔlítɔ 3:9

Kaɓɛ ekuma ɛ́ɔphi nde aotena nyɔngɔ á ɓakpa akpɛ na ɗágɔɓi n'atúmi na ɓoombia, cɔ, aoɓá ekuma á Měma á kanga ɓojeɗe nnde aǒtangisisa ɓakpa ɓato á koɗoni mosá á Mokonga, aɓande na ɓoombia nde anyɛ́nyɛande.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

2 Timɔtɛ́ɔ 3:16

Nyɔngɔ bui nnde ɓáɗundu suɓi á Ɓuku ndea Mokonga, ɓáɗundu ú na ɓukpɛkpɛ á Mokonga, n'akeni ka phangiaga, sɛka á ɓɔphɛi á mbɛa, ka kea, na úbisa á aphe á ɗoni,

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

2 Yoáni 1:11

nga, mmbé aonsesea, aɔ́kani na yɛ ka tambea nɛkɛ ájeɗe.