Ɓaɛbulanía 5:12 - Ɔngana á Kɛ̌kɛ

¹² Ka nyɔngɔ nde ɓo ye nyɛ́nyisi mbenɔ ásii phɛɛ, atókeni ɓóɓɛ ɓagoisigi. Nanga áɓá ɓó, ɓo phɔtɔ na siki á goisaga anu nyɔngɔ abɔbɔbɔa á ɓɔphɛi ndea Mokonga. Ɓo phɔ́ goto tɔ na siki á unga, nna ndiu opha anu eea akpɛ

Ɓaɛbulanía 5:12 Iomraidhean Croise

Matáyɔ 17:17

Yéso áonsikisia gea: «Ɓenu ɛɓɔkɔti ájeɗe á kanga ɓeekea á Mokonga nde ca! Neikande na ɓenu ka mbenɔ ángaáni? Mbenɔ ángaáni nde nenóphiphiande? Cɔ, mbikani kani na miki ndɔ koni.»

Málikɔ 9:19

Yéso áǒngoɗea te: «Hoo! Ɓenu ɛɓɔkɔti á kanga ɓeekea nde ca! Ka mbenɔ ángaáni nde neikande na ɓenu? Ka mbenɔ ángaáni nde nenophiphiande? Cɔ, mbikani kani na miki ndɔɔ.»

Ekuma á ɓateki 7:38

A phɔtɔ aámbɔ ɗáedondanisigi Ɓaisilaɛ́li ka nkanda. Ɗáiki na ɓatatasu, phɔtɔ na malaéka, mmbɔ ɗáyɔngi na yɛ ka mamba á Sinái. Yɛ aámbé ɗá phɔ́ ɔɔ́ka mbino á endisa, mpɔ áɔsɔtɔnganisia ú.

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

1 Ɓakɔlítɔ 14:19

Cɔ, suɓi á kanisa mosá á ɓaɓêki, nekondi nɛ́yɔngɛ nyɔngɔ ɓɔku, nnde ɓakpa ɓáoúba, ka gea, négoisɛgɛ ɓakpa ɓunɛngbo, na nɛkɛyɔngi nyɔngɔ ɛlɛphu nkama (10.000) k'ɛyɔngi nde nnaoúbukana.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

Ɓagalatía 4:3

Ɓesu phɔtɔ, ɗéɓetú mosá ɓea ɓaniki. Ɗéɓetú ɓakɔɓɛ á ɓansombo á ka mokonda.

Ɓaphilípi 3:1

Cɔ, ɓaya, ɓáni na maseye ka nyɔngɔ á ɔngana anu na Mɔkɔta. Nna kema k'éme aoɓá na nesikíígi kema nde ɗéneɗundu mosá nga, nndɔ akeni ka ɓenu.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

Ɓaɛbulanía 10:32

Kanisiani phɔ́ kema nde ɗátɔtɔkɛani ka ɓenu mbenɔ nde ɗóɓotɔi owanga ndea Mokonga. Mbusa índɔ ábɔa ɓôtambaga akpɛ phɛɛ, ɓô gǎkɛ ophiphia ú.

Ɓaɛbulanía 5:11

Cɔ, ɓena nyɔngɔ ásii á yɔnga í. A gǎkɛ akpɛ ka úbisa anu base nga, ɓo ɓáɗǒ ka ɗigimisa á kema.

Ɓaɛbulanía 5:13

nga, nkpa nde aoúnga a phɔ́tɔ miki. Nna na úbapha ásii á nyɔngɔ á koɗoni.

Ɓaɛbulanía 6:1

Cɔ, ɓî a ɓó, ɓéɗeketɛni goisaga mɔ̌ á nyɔngɔ nde ɗáɓekpangi goisaga í ka nyɔngɔ á Kiísito. Ɓétútuisɛni ye tɔ goisaga k'ététe á ɓakpa nde ɓámɔti. Ɓékécumɛku ye goto goisaga á mɔ̌ á nyɔngɔ ndee: Á kětia tambea ájeɗe na ɓeekea á Mokonga,

1 Pɛ́tɛɛ 2:2

Ɓáni ɓea ɓambɛnjɛ. Ɓíndɔ ɓambɛnjɛ ɓána siki á unga ɛɓɛ, ɓenu phɔtɔ ɓáni na siki á unga ɛɓɛ ánjá á ka měma ka gea ɓɔ́mɔtɛ na ama ka měma n'ande nyɔngɔ á Mokonga.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.