Ɓaɛbulanía 5:1 - Ɔngana á Kɛ̌kɛ

¹ Ngbɛga á ɓatoɓeigi-phɛ́a buakɛ Mokonga aámbé ɗánsɔmbu sɔsɔɓɛ á ɓakpa, áombisa ka bɛɗanaga ekuma nɛkɛ ka phɔa ɓɔ. Ande gea te, ntoɓeigi-phɛ́a ndɔ, aámbé aophúia ɛkɔmi ka Mokonga na toɓoa phɛ́a ɗanga-ɗanga ka nyɔngɔ á ɓojeɗe.

Ɓaɛbulanía 5:1 Iomraidhean Croise

Ɓalɔ́ma 15:17

Mpɔ ye tɔ nɛɔtɔka na něbebi ka jukana na Yéso Kiísito ka nyɔngɔ á ekuma ndea Mokonga.

1 Ɓakɔlítɔ 15:3

Ɗɛ́nɔphɛí phɔ́ ɓɔphɛi nde eme sasani ɗáɓámɔphɛí. Ɓɔphɛi kau aɓe: Kiísito ɗáku ka nyɔngɔ á ɓojeɗe nɛsu ɓíndɔ ɗáɓáɔtu suɓi á Ɓuku á Mokonga.

Ɓaɛbulanía 10:11

Ande ɗoni gea, ntoɓeigi-phɛ́a buakɛ aomamaga esa bui ka bɛɗanaga ekuma nɛkɛ. A phɔtɔ ophúiaga nkókó á ɔphɛ́ɔ nde nna tanda ɔtɔka íma á ɓojeɗe.

Ɓaɛbulanía 10:12

Kiísito ɗábisi ndiu nyama akɛ sasakɛ k'ɔ́phɛ́ɔ mɔngɔ ímoci tɔndɔ ka íma á ɓojeɗe. Mbusa á í, áoika ka njaga á mǔku á Mokonga ka saga na saga.

Ɓaɛbulanía 11:4

Ka nyɔngɔ á ɓeekea, Abɛ́li ɗáphúi phɛ́a ánjá phɛɛ ka Mokonga kɔnyɛ́nya nnde á Kaína. Ka nyɔngɔ á ɓeekea ndɔ unge Mokonga ayɔngi gea Abɛ́li ande nto á ɗoni nga, Mokonga yɛ sasakɛ ɗáɓeeki ɛkɔmi ka Mokonga nɛkɛ. Nanga ɓî Abɛ́li aku ye, ɓeekea nɛkɛ a phɔ́tɔ n'aosóphɛa.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.

Ɓaɛbulanía 7:27

Yéso atingani na ɓagbɛga á ɓatoɓeigi-phɛ́a ɓunde á mosá. Yɛ nna na siki á toɓoa phɛ́a esa bui ka nyɔngɔ á ɓojeɗe nɛkɛ, mbusa í, ka nyɔngɔ á ɓojeɗe á ɓakpa ɓɔbu. Mbenɔ nde ɗábisi nyama akɛ k'ɔ́phɛ́ɔ mɔngɔ ímoci, nndɔ asungíígi tɔ ɓó.

Ɓaɛbulanía 8:3

Ngbɛga á ɓatoɓeigi-phɛ́a buakɛ, ɓámbisi ka phúia ɛkɔmi ka Mokonga na ka phúia phɔtɔ ɔphɛɔ. Cɔ, akeni phɔtɔ gea mmbé ɓ'asu áɓɛ na kema nde aphúiande.

Ɓaɛbulanía 8:4

Ɗátúoɓá Kiísito n'aka oɗo ámbé ɗákatú tanda ntoɓeigi-phɛ́a nga, ka ɓeana n'ɛɔphi ndea Mósa, ana ɓakpa nde ɓáophúiaga ɛkɔmi ka Mokonga.

Ɓaɛbulanía 9:9

Nndɔ ande ɓea mɛní ka matú ndee. Ande gea te: Ɛkɔmi ka Mokonga, ɔphɛ́ɔ á ɓanyama nnaɔtɔka n'atɔtɔkisi ɓonjánja suɓi á měma á nkpa nde aoɓea moangɔ ndɔɔ.